楚撚記大排檔 (寶光大廈)

Open Now

Now Closed

今日同朋友去土瓜灣食炒小菜，店舖分兩輪時間，我地訂左食5:30-7:30 果節， 我地準時到門口， 門口已經有不少人。 餐廳用電話QR code 落單，落完單就好快上到菜， 仲要新鮮熱辣😋 霸王雞味道不錯，肉質好嫩。 白灼鵝腸好爽口， 唔太肥。 蓮藕墨魚餅都好好味 ， 蝦多士普通 CP值唔高。 最後仲有糖水送，綠豆爽清心丸好味👍🏻👍🏻服務上店員上菜收碗碟都快手，有禮。 但未夠還檯時間7:30pm （大約7:10左右）店員2次提示叫我地離席， 可能我地食得太快，店員收哂d碗就過黎提我地要走。 所以想坐多陣傾多幾句都好大壓力。