相馬日式火鍋 (Closed)

哈哈你冇睇錯啊，呢個火鍋放題店真係有海鮮食㗎！佢同一般嘅餐廳好唔同唔係剩係得嗰幾款海鮮可以揀，佢有好多唔同嘅種類㗎分別有:日本帶子，廣島蠔，蟹棒，青口，虎蝦，蜆同埋螺。我自己覺得佢啲海鮮冇雪味非常之好。令我迷戀嘅就係廣島蠔！我將佢放入去我預先叫好咗嘅中華辣湯底真係好正好正好正！跟住我仲叫咗雞翼拼盤，唔係講笑呢個雞翼拼盤我refill咗好多次。因為佢係單骨！我認為佢嘅蜜糖雞翼同埋黑椒雞翼係最好味！非常惹味呀建議大家一定要試吓！餐廳嘅位置都尚算闊落最緊要係佢哋嘅職員態度親切有禮。我諗未來嘅日子我好快就會再嚟！