Video
Read full review
2023-12-05
90 views
平時好少可去灣仔船街一帶，而家先知個度有間好正的中西fusion菜。餐廳睇落唔大，但原來有兩層，可以上樓上，樓上環境都唔錯，氣氛好好，有好多船的元素，吊燈、擺件同掛畫都與船有關🤩麻唔辣四川蜆 $168果然完全唔辣，少少麻，好有鹹香，好惹味，蜆隻隻都好大隻好飽滿，好難得食到咁正的蜆。麵包烘得好香脆，蘸湯食好正，吸收d精華。大閘蟹糕燴飯 $368呢款寫明“must try!”咁就點嚟試試😆燴飯用煲仔飯個煲上，造型都幾有趣👍🏻食落好有蟹的鹹香味，味道好濃郁，感覺有勁多真大閘蟹糕。飯的口感軟硬適中，最面最中心位似用火炙過，有d燶燶哋的飯焦口感，仲有細碎的蔥粒，口感好豐富。千層脆窩夫油封鴨脾 $298鴨髀好juicy，皮好有油香味，配藍莓醬酸酸哋，味道好正。大陽蛋煎得好靚，蛋漿蘸鴨髀都唔錯。牛角窩夫好酥脆，咬開有聲，蘸藍莓醬或蛋醬都好食，唔錯😋Flagship (灣仔)灣仔船街35號地舖*上述文章只供參考及以當時價格為準
平時好少可去灣仔船街一帶，而家先知個度有間好正的中西fusion菜。餐廳睇落唔大，但原來有兩層，可以上樓上，樓上環境都唔錯，氣氛好好，有好多船的元素，吊燈、擺件同掛畫都與船有關🤩
麻唔辣四川蜆 $168
果然完全唔辣，少少麻，好有鹹香，好惹味，蜆隻隻都好大隻好飽滿，好難得食到咁正的蜆。麵包烘得好香脆，蘸湯食好正，吸收d精華。
大閘蟹糕燴飯 $368
呢款寫明“must try!”咁就點嚟試試😆
燴飯用煲仔飯個煲上，造型都幾有趣👍🏻食落好有蟹的鹹香味，味道好濃郁，感覺有勁多真大閘蟹糕。飯的口感軟硬適中，最面最中心位似用火炙過，有d燶燶哋的飯焦口感，仲有細碎的蔥粒，口感好豐富。
千層脆窩夫油封鴨脾 $298鴨髀好juicy，皮好有油香味，配藍莓醬酸酸哋，味道好正。大陽蛋煎得好靚，蛋漿蘸鴨髀都唔錯。
牛角窩夫好酥脆，咬開有聲，蘸藍莓醬或蛋醬都好食，唔錯😋
Flagship (灣仔)
灣仔船街35號地舖
*上述文章只供參考及以當時價格為準
Post
