Read full review
2020-07-24
5108 views
唔出街，無得晚餐堂食，只好回顧7月頭去食好西嘅美好回憶囉～😭前陣子，朋友話灣景廳推出咗新嘅自助餐餐單，主打「和牛」及「蠔」！😍兩樣都係我至愛！於是二話不說就出動了！🙈基本上呢度「和牛」及「蠔」嘅料理，選擇都幾多。和牛系列🐂好似和牛，佢哋就採用肉質鮮嫩嘅澳洲和牛，主打菜有香蒜和牛舌沙律、吉列和牛牛肝菌可樂餅、三蔥鬼馬炒和牛、台式燘燒和牛面頰...唔會話好悶一味煎扒，運用唔同國家嘅烹調手法，令人食到唔同嘅和牛菜式變奏，感覺幾驚喜！其中，我最鍾意吉列和牛牛肝菌可樂餅，用美國免治和牛、牛肝菌及薯蓉混和炸成，食時「卡滋卡滋」聲，好酥脆，且肉汁豐富。😍另外，三蔥鬼馬炒和牛都唔錯，使用澳洲和牛嘅橫膈膜肉，肉質特別彈牙爽口，加埋洋蔥、京蔥、大蒜、馬蹄及油條快炒，鑊氣十足！冰鎮海鮮系列🦞至於蠔，佢哋無論生食定熟食都有提供，生蠔有得揀法國Fine de Claire生蠔、日本室津生蠔、鎮美國生蠔及新西蘭生蠔等，熟食則有芝士龍蝦汁焗蠔及黃金砵仔焗蠔～一次過食晒唔同產區嘅肥蠔，作為蠔怪嘅我表示好滿足（雖然無好好數過，但我當晚應該啪咗至少20隻...😂）！😍💕一坐低，待應就送上法國Fine de Cla
唔出街，無得晚餐堂食，只好回顧7月頭去食好西嘅美好回憶囉～😭
前陣子，朋友話灣景廳推出咗新嘅自助餐餐單，主打「和牛」及「蠔」！😍兩樣都係我至愛！於是二話不說就出動了！🙈基本上呢度「和牛」及「蠔」嘅料理，選擇都幾多。
和牛系列🐂
好似和牛，佢哋就採用肉質鮮嫩嘅澳洲和牛，主打菜有香蒜和牛舌沙律、吉列和牛牛肝菌可樂餅、三蔥鬼馬炒和牛、台式燘燒和牛面頰...唔會話好悶一味煎扒，運用唔同國家嘅烹調手法，令人食到唔同嘅和牛菜式變奏，感覺幾驚喜！
吉列和牛牛肝菌可樂餅
49 views
0 likes
0 comments
其中，我最鍾意吉列和牛牛肝菌可樂餅，用美國免治和牛、牛肝菌及薯蓉混和炸成，食時「卡滋卡滋」聲，好酥脆，且肉汁豐富。😍
三蔥鬼馬炒和牛
82 views
0 likes
0 comments
另外，三蔥鬼馬炒和牛都唔錯，使用澳洲和牛嘅橫膈膜肉，肉質特別彈牙爽口，加埋洋蔥、京蔥、大蒜、馬蹄及油條快炒，鑊氣十足！
冰鎮海鮮系列🦞
至於蠔，佢哋無論生食定熟食都有提供，生蠔有得揀法國Fine de Claire生蠔、日本室津生蠔、鎮美國生蠔及新西蘭生蠔等，熟食則有芝士龍蝦汁焗蠔及黃金砵仔焗蠔～一次過食晒唔同產區嘅肥蠔，作為蠔怪嘅我表示好滿足（雖然無好好數過，但我當晚應該啪咗至少20隻...😂）！😍💕
法國Fine de Claire生蠔、日本室津生蠔
34 views
0 likes
0 comments
一坐低，待應就送上法國Fine de Claire生蠔及日本室津生蠔（每客各1隻）😍
呢2款蠔真係正到不得了！Fine de Claire來自富天然藻類及浮游生物嘅鹽田池，肉身呈淺綠色，食上口勁甘甜🤤！
至於日本室津生蠔，我反而覺得幾驚喜，日本蠔比我感覺都係熟食～估唔到生食又另一番風味，佢嘅海水味無Fine de Claire咁重，卻勝在肉質肥美及柔滑，加上柚子汁及三文魚籽，清甜得嚟有咬口～夏天食啱哂！
厚切8款刺身
37 views
0 likes
0 comments
除咗蠔，海鮮Bar仲提供一系列冰鎮海鮮，好似加拿大雪花蟹腳、美國及新西蘭生蠔、鮮蝦、鮮蜆、藍青口、東風螺及8款刺身，身為海鮮控表示大飽口福。
甜品系列🍨
任食MOVENPICK雪糕
42 views
1 likes
0 comments
至於甜品，我比較深印象係甜品Bar，呢度嘅雪糕都係用MOVENPICK雪糕！仲有8隻味揀，我最愛薄荷朱古力，一口氣食咗3球呢....🤤
焗棉花糖麵包布甸
35 views
0 likes
0 comments
其次係焗棉花糖麵包布甸，焦香嘅棉花糖下，係用牛角包、雞蛋、忌廉及糖焗製而成嘅麵包布甸，香甜美味，邪惡爆燈！
P.S. 疫情嚴重，酒店自助餐會暫停供應，直至限聚令放寬。大家可先Bookmark，緩和之後再慢慢去食！❤️
Post
