Mr. Crab by The Captain's House (Closed)

食海鮮灣仔都有好選擇，同朋友經過修頓球場附近Mr. Crab醫肚。呢度分咗兩層，有個大水缸可以清晰見到唔同款式嘅海鮮，我見到呢度好多龍蝦！前菜我哋先要咗個蟹餅，用吉列嘅手法去做，size比一般嘅大，上面仲有啲醬料同埋芽菜，感覺清新，蟹肉充足！主菜我哋叫咗個羊架，總共有三隻，大小平均肉質非常嫩滑，價值$298，留意到啲配菜真係好掂！有蘆筍、粟米、翠玉瓜、薯仔同蒜頭，真係食啲配菜都飽啦。甜品方面，當然唔可以少得肉桂條，啱啱新鮮炸好，又長又大條！有朱古力醬同埋曲奇雪糕任點，好似食緊欣欣杯😂，每一啖都都非常滋味，大人小朋友都好鍾意食。