見呢間越南餐廳幾有feel而且想食法包所以去試吓🇻🇳
Weekend都有lunch menu，有湯河、撈檬、法包餐
包小食、飲品
14
▶️ 木瓜絲沙律
開胃小食
主要係醃紅蘿蔔、青木瓜絲同青瓜🥒
醬汁酸酸甜甜，唔辣
面頭灑上少許花生碎、香草調味
▶️ 鮮蝦燒肉米紙卷 (+$10)
米紙卷外皮煙靭有咬口
入面包咗生菜、大量米粉、蝦
花生味道幾出🥜另外點啲魚露更好食
▶️ 越式雞絲法包 ($98)
賣相唔錯，好大份
雞絲份量足，啖啖都有肉🐔
調味似海南雞，入口唔乾
配菜有醃蘿蔔、紅蘿蔔絲、紫洋蔥、芫荽葉🌿味道豐富
略嫌法包覺得唔夠燶脆🥖同埋唔夠多肝醬
稱唔上一個正宗法包，比較似港式化嘅有餡豬仔包🙈
▶️ 至尊牛寶湯河 ($108)
配料有兩粒牛丸、多塊薄切牛肉、湯白蘿蔔
牛肉ok唔太肥🐂
湯底味道較清淡，主要靠香葉調味
河粉質感正正常常，冇話特別好食，但唔會易斷一pat pat
▶️ 檸檬特飲
入面有條香茅同青檸，飲落酸酸甜甜
夏天飲好清爽🍋🟩
▶️ 越南啤酒 (+$20)
👨🏻’s
-
食物賣相ok，肉類用料充足
不過感覺上係local化嘅越南菜
法包冇預期好食… 可能要試佢哋招牌豬肉丸法包😗
然而服務態度好，座位舒服
尤其鍾意呢度裝修，係老闆喺越南會安親自拎返香港，難怪非常有越南風味🏮
仲留意到佢有免費Wi-Fi ＆插蘇位
價錢以灣仔區嚟講算平民，$100/人有小食主食飲品
原來佢哋已經經營咗10周年，需要支持吓香港小店～
