得寶軒偉師傅私房菜

Open Now

Now Closed

平時出街食得多、但係有無時間煮，點先可以食得健康啲？就係去私房菜啦！偉師傅私房菜位於灣仔，位置唔算難搵，都值得大家去試下。坐低無耐就上咗兩盅雞腳蟲草花瘦肉湯，湯色清澈，香氣撲鼻。雞腳慢煮釋放膠質，蟲草花增添獨特風味，令湯水十分清甜。瘦肉鮮嫩，與雞腳口感相得益彰，唔會太油膩，應該冇落味精令食材的自然鮮甜更為突出。作為年輕人食得中菜就當然有椒鹽鮮魷啦，魷魚新鮮彈牙但唔會韌、炸蒜的香氣濃厚，散發出濃烈的蒜香，帶有微焦嘅香氣，每一啖加埋炸蒜嘅焦香，特別欣賞鮮魷唔會炸得太老、炸漿亦都唔厚。不得不推介佢嘅經典牛氣沖天配wasabi汁，牛肉十分鮮嫩，香味濃油香重，脆口而且唔會韌，一定要講佢份量十足，兩個人都未必食得哂，wasabi汁勁香，又唔會太搶喉，反而解到膩。最後要介紹埋佢嘅金瓜蒸黑豚肉，本來係午市一人餐，跟飯同湯，午市價88蚊，包你食得飽，肉餅十分足料又軟腍，容易入口又唔粉；南瓜清甜，剛剛好可以中和豬肉味，加上無味精令成餐飯都好健康。