名門私房菜

Open Now

Now Closed

今晚有朋友誠邀我地再來灣仔食呢間只招待會員的名門私房菜，當然馬上訂位。餐廳出名菜式創新特別，味道正宗。餐廳環境寛落，坐得舒適，待客服務十分有禮貌，仲會細心介紹每款菜的煮法同味道。青芥冰燒雞， $388/隻， 類似手撕雞咁係雞絲一條條的，帶有香辣的芥末味，感覺創新，上檯係冰凍的，加上有香脆炸過的芋絲，爽口的海蜇，同清甜青菜瓜絲，口感層次豐富。荔芋乳鴿酥， $128/件，即炸即上檯，熱辣辣，外皮好酥脆，入面係满满的芋泥蓉，好香甜，餡係冬菜加乳鴿肉碎撈均，味道濃郁，肉質嫩滑。避風塘炒龍躉球，$498/例，帶有少少辣，龍䠢肉質厚身嫩滑，魚香味濃郁，咬落多汁香甜。生炒臘味糯米飯，$188/例，臘味份量多，香氣撲鼻，糯米飯粒粒分明，飽满煙韌，炒得好入口，係轉涼季節的必食之選。