Best Chiu Chow Restaurant (Fortis Tower)

最近外國親戚返嚟香港旅行，臨走前同佢食過不同款式嘅中菜，今日就帶咗佢嚟試吓潮州菜。

🐟 馬友肉質好結實啖啖肉，配上普寧豆醬食咸香味鮮 😋 而伴碟嘅啫喱魚湯入口即溶好鮮甜。

🦐 蝦棗蟹棗炸至呈金黃色，食落非常香口又彈牙，喜歡食甜嘅可以加少少伴碟嘅蜜糖汁。

🌮 蠔烙非常乾身煎得唔錯，入口一啲都唔油，而且仲有勁多飽滿蠔肉。

🍵 甜椰汁雪耳有熱同凍選擇，凍同熱都叫咗，糖水勁足料，成碗都係雪耳，熱食比凍食味道更濃郁。