一人叫少少，可以試好多口味
1
今次我地食天府人家嘅川菜，仲可以叫不同辣度！
仲有好多菜式揀，即刻叫到成枱都係！
前菜除咗有經典涼菜蒜泥白肉 外
仲試咗酸辣三鮮 、燒椒北海道大帶子同埋鹹蛋黃炸南瓜 ！
呢三款涼菜真係其他地方都食唔到！
酸辣三鮮有桂花蚌、蝦、魷魚，有厥根粉墊底！
凍凍地好清新！
而燒椒北海道大帶子賣相好靚，係一片帶子夾住一片萵筍！
配埋花椒汁，一啖爽口鮮味！
1
唔好睇呢碟鹹蛋黃炸南瓜其貌不揚，但南瓜好軟淋，外皮鹹香酥脆！好好味！
再飲啖天府一品燉湯 ，真係好香濃！果然係招牌！
主菜我地叫咗鮑魚炆雞 、泡椒桂花蚌同埋三豉醬蒸斑頭腩
三豉醬蒸斑頭腩嘅魚質鮮而實淨有口感！
泡椒桂花蚌嘅桂花蚌香辣爽脆！
而鮑魚炆雞 真係必食！鮑魚又大隻又彈牙！雞又滑！
1
最後仲食埋重慶酸辣粉 ！一小碗酸香辣，好夠食！
真係食得好開心，辣得好過癮！
