中記

Open Now

Now Closed

今晚跑完步肚餓，上咗駱克道街市熟食中心食晚飯。我哋兩個人叫咗啫啫雞煲同韭菜花炒臘肉。叫完菜阿姐即刻攞兩碗熱湯嚟。啲老火湯好似屋企煲咁樣，冇味精之餘仲有好多紅蘿蔔，好好飲。差不多飲完湯嘅時候韭菜花炒腩肉嚟。成碟小菜鑊氣好夠，不過跟咗腩肉就始終比較鹹，同埋比較多油。之後啫啫雞煲有好多件雞，仲有五六件豬膶，煮得入味，＄55一個煲好抵食。呢度最好係白飯任裝，啱晒我個飯桶朋友。如果係灣仔食飯，唔怕要喺街市環境比較污糟，想慳下錢嘅話，呢度係一個唔錯嘅選擇。