王牌冰廳 (燒味世家)

Open Now

Now Closed

今日去左大埔做野，下午茶時間好肚餓，見到附近呢間王牌冰廳 (燒味世家)好多人排隊，一於試下有幾好食先！同事揀左咖哩牛肉飯，我就揀左沙嗲牛肉潛艇，試埋個皇牌夠薑奶茶同蘋果肉紅茶。點完餐店員就好熱情送上老火例湯，湯頭清甜，飲落無味精，正。咖哩牛肉飯大大碟岩哂男士們～牛肉腍滑有咬口，咖哩味香氣撲鼻，食落香濃惹味夠哂開胃，拌飯一流！沙嗲牛肉潛艇成日食沙嗲牛肉麵，第一次見有得配潛艇，好創新，一於試試！濃香沙嗲醬汁配嫩滑牛肉，夾住烤得非常香脆既潛艇包，索滿香濃醬汁，特別惹味～夠薑奶茶奶茶香醇幼滑，估唔到配以薑蜜會出奇地夾！蘋果肉紅茶清香紅茶夾雜粒粒蘋果肉，滋味滿分！