王牌冰廳 (燒味世家)

Open Now

Now Closed

下午茶燒鵝瀨粉，連飲品$43，幾抵食，叫走背有髀位啖啖肉，酸梅醬味道也可以。不過不算是很好吃那種，而且明顯放涼了，皮不脆，不過下午茶就不要求太多了。湯底重胡椒粉味。

偶爾經過，在門口看餐牌時，見街方熟客也不小，又心血來潮想食叉燒，就試佢一試---- 叉燒米粉餐 ----厚切叉燒，肥瘦適中，啖啖肉夾小小肥油，再加小小燒焦的外皮，這才是香港的A级叉燒，讚---燒味自選雙拼飯(叉燒，燒腩仔)--- $56燒煵仔飯，皮脆，混夾著四至五層肥瘦分明的燒腩部份，送例湯，黃芥末，這就是正宗香港的招牌套餐---- 珍寶法蘭西多士 ---- $30這件厚多士，整體味道略為失望，因為混了過量蛋液，口感麻麻，雖然量足，料足(內層花生醬)，食了一半巳吃不下去，要改量製作過程，否則浪費了食材

之前去過幾次堂食，正常無咩特別，啲侍應無笑容都算，但啲態度好似爭佢錢咁，地方已經夠細，好迫唔好坐，每次再去幫襯，都祈望服務可唔可以做好啲，仲有只收現金，完全無其他付款方式。剛剛想外賣問個問題，收銀又新手乜都唔識，後面個侍應就係咁催幫其他客收錢先，不知所謂，真係唔想做生意咁，服務態度差到咁都唔改善，做生意又死板，尤其斬料果個師傅講野好似全世界得罪佢咁，本身幫襯開，但一次又一次既問題，好失望，附近燒味越來越多，真係無必要選擇呢間

王牌蜂蜜叉燒脆脆豬 $36🐷賣相不錯，脆豬包用了閃閃的竹籤，淋上不少蜜糖。豬仔包烘得很脆，上面那片塗了牛油，如果兩片都有牛油更好。厚切叉燒份量很足，但是偏瘦，肉質有點厚實，有點乾身，如果不用刀叉切開會比較難咬，接近肥的部分才較稔。個人認為叉燒太乾淋上叉燒蜜汁比較好，比起只在包外面淋上蜜糖更合適，而蜜糖、叉燒、豬仔包三者不太融合，與期望有點落差，勝在價格相宜。但我見其他人的燒味飯賣相還好，如果想吃叉燒可能還是吃燒味飯/瀨粉比較好。

王牌冰廳 (大埔店)為了他的牛扒而來，朋友推介抵食好味一於一早來試試，早餐時段來不用排隊等候，位置方便在大埔中心，見很多人點扒餐 (44元)，相信不會失望，點了牛扒餐新竹米粉，到枱份量嚇了我一跳，牛扒成隻碟咁大，即煎真係好味好有肉味，有質素超值，食完牛扒都滿滿了，即磨咖啡亦不錯，呢度燒味亦出名，試完再分享。😋👍

王牌冰廳 (大埔中心店)葱油豬扒煎蛋飯配奶茶 ($60)送中式湯豬扒好大塊厚身好味，葱油配煎太陽蛋甜豉油撈飯，好香好惹味，停唔到口😋主動送中式湯，職員有善座位舒適整潔。

第一次寫就係投訴，真係唔想咁12/12 經外賣APP外賣2套餐，點選叉燒飯+油菜套餐 $87 另加熱奶茶，而另一個餐麻辣口水雞加油菜套餐，食物到後發現沒有跟油菜，即打電話去舖頭通知對方套餐沒有跟菜，職員胡小姐回覆當時很忙，要稍後處理，而外賣APP亦回覆商戶不會退款，及後2:10再致電王牌有另一王女士回覆現時很忙未知怎處理只叫我撳外賣APP退款，但已經同對方講明外賣APP話商戶不會退款，言語間對方態度超差，及cut線。 如果冇菜嘅我可以單點，唔需要叫套餐，而家係你漏咗，點解講到係個客嘅唔啱呢？要我哋自己落去攞，我落得去攞我就唔使叫外賣啦。講返食物以前嘅叉燒好食好多而今日嘅叉燒有種怪怪味道，白飯係暖嘅唔可以講係熱，麻辣口水雞係普通嘅切雞，加番啲麻辣醬，飯當然亦都係暖。 唔預外賣會好好食，但唔好要人受氣囉，相信唔會再食里間咁高質嘅餐廳。14:30 外賣APP回覆回退回$60

好基本叫左個王牌叉燒炒蛋飯都可以咁難食。。。叉燒又乾又鞋又咸。炒蛋又係好咸，好似食緊鹽咁。d飯又硬。仲要剩係收現金。今時今日無可能八達通，支付寶都唔收。好耐未試過d咁伏既餐廳。快餐店都好食過佢。簡直係侮辱左燒味。其實附近都好多其他選擇，呢間又唔係特別平。建議大家唔好俾呢間嘢伏到。我好少好少寫評論，但係今次唔可以唔寫。我唔想再有人俾呢間嘢呃到。服務態度都好差。Avoid at all cost unless you like torturing yourself!

叫左$64燒鵝併燒腩仔，份量少都算。最慘燒鵝比埋啲下欄位，得啲皮同骨，一啲肉都冇，我估係啲pat pat附近啲位，仲衰過啲肋位，咁唔捨得比肉人，好孤寒，咁一係set高啲個價囉，成碟野都只係食皮，啲皮又唔係燒到脆個隻咁靚，不知所謂。燒腩仔又燒得唔係脆，每一層肥肉又太多，瘦肉好少。我諗佢啲靚位用黎賣比人斬料，如果咁樣買飯，佢只會比啲下欄位同比好少份量你。求其搵間酒樓買盒四十蚊嘅燒味飯斬好過佢十倍。店員啲態度斬黑口黑面啲，有一個男客入黎，人地斬識做咁坐啲二人位（個到冇一人位，只得二人以上位） ，都仲要喝狗咁喝問佢幾多個人，驚死人地一個人都坐多佢啲位咁。總結，大埔好多野食，又有出名燒味食，唔洗真金白銀黎呢到食啲咁嘅野。

係大埔區食早餐黎講呢間王牌冰室都算係數一數二基本上每次黎都要等位先入到去證明左幾有人氣早餐出名的就是叉燒意粉真係唔係有好多地方有得食所以都係特登食佢既叉燒意粉叉燒數量唔算多不過都幾厚身咬口都唔錯架啦講個重點比大家知記得叫佢比辣椒油因為佢哋自家製嘅辣椒油係好好食個意粉本身有點寡 加左辣椒油成件事昇華左個炒蛋其實都幾OK另外 服務員話 熱飲之中最好飲就係熱朱古力街坊平民早餐唔強求太多都算係唔錯既選擇少人既時候可以黎試吓

雖然食物很好吃，但服務態度10分差。我經常光顧這店的沙嗲牛肉麵，以前的態度10分好，還記得某一日去光顧的時候，很多店員都離職了。侍應態度10分差。本來打算check食物是否齊全，於是問問侍應，他回答，啱㗎啦。語氣10分惡劣。

其實嘢一般般，但係每一次嚟到叫親有燒鵝嘅飯都係俾鵝翼，有冇咁誇張？我都唔係叫你俾隻我鵝髀俾我，但係次次都乾真真，點食啊？其實食物質素唔會太差，但係次次咁做生意就爭少少

拿取外賣時向侍應確認食物是否等同訂單內容，女侍應表示不知道，更無理指責顧客在她叫號幾次都沒有聽到（顧客在叫號時已經即時從門口進入，並且到達後女侍應仍未完成包裝）。幫襯多年從未遇過如此惡劣服務態度，令人極度反感。不會再回來。

今日陪太太睇醫生，搵左附近一間餐廳用膳。咁我先去搵位邊食邊等太太，一開始已表明我2個人，職員安排我坐單對單2座位，期間仲多次塞散客落黎坐，我多次拒絕表示我是兩位，第3次我同樣表示2位，職員惡劣回應說：「咁佢未到呀，等佢到左再安排位比佢坐囉」，我即刻埋單走，趕客咁既態度，我就真係食唔落。我由入舖個一刻已經表示我兩位的，如果店舖坐位咁緊張，一開始就唔好做我生意。客人進膳期間不停打擾人，真係好反感利申：碗燒味瀨湯底好鹹

為左呢間野開左個帳號新開果陣食過1已經非常失望，琴晚諗唔到食咩再試多次。同個朋友叫左個肥叉油雞飯，啲叉燒瘦到咬唔到，油雞斬到不知所謂，全部都係骨都可以交出黎仲好意思改個名叫燒味世家？