蝦麵店 (Landale Street) (Moved) New Location

依度嘅裝修樸實無華，嘢食方面，共有三種湯底可以揀，分別係辣味蝦湯底、咖喱喇沙湯底同埋豬骨雞湯底，另外亦都可以揀福建滷麵。蝦肉墨魚丸麵 - 辣味蝦湯底 (另加豆腐卜)湯底其實唔算非常辣，試咗一啖，濃濃嘅蝦味已經散發出嚟，蝦肉爽口彈牙，都幾有鮮味，索哂湯底嘅豆腐卜亦都非常惹味。墨魚丸魚片麵 - 咖喱喇沙湯底 (另加腐角)帶有微微咖喱味嘅喇沙湯底，令到我嘅口腔充滿椰奶同香料嘅味道，墨魚丸亦都幾好味。脆香魚皮香脆可口，而且份量都幾大，夾埋湯麵一齊食真係一流。腐乳通菜食飯點可以冇菜呢？碟菜嘅份量都唔細。熱檸檬薏米水及凍美祿檸檬薏米水可以揀多薏米，酸酸地咁，夠晒開胃。依度平時晏晝唔少人排隊，夜晚終於可以休閒咁嘆碗靚麵。