Video
Read full review
2023-11-06
135 views
呢間午市放題其實幾岩我地呢d有家庭出唔到夜街既朋友聚一聚 因為佢午市可以坐足4個鐘仲要星期六/日都有 岩哂我呢d淨係可以偷個晏晝既人 4個鐘同朋友一齊打住邊爐傾下d陳年舊事 唔洗趕頭趕命本身見到呢間餐廳係全港首創有乳鴿任食既台式火鍋放題 但係怕食唔到好多野 所以今次同朋友叫左個3號套餐 係主打SRF美國極黑和牛 一位都係$228 計番都係50零蚊一個鐘比你任飲任食 ♡湯底🍲呢到有成十款湯底比客人選擇 麻辣🌶️、香辣🌶️、清甜、番茄🍅、骨鍋🦴、藥膳、胡椒🧂等通通都有 絕對揀得到岩心水既湯底 今次我就揀左清甜椰子雞湯🥥 打邊爐比較燥熱好似叫椰子比較清熱可以平衡番小小♡牛肉🥩包括有SRF美國極黑和牛、美國安格斯牛板腱同埋美國特級肩胛肉眼 我認為SRF極黑和牛係最好食 比較上黎充滿油脂香 牛板腱就肉味較為濃小小 以放題黎講呢間提供既牛可以講得上幾高質 另外仲有牛舌同埋封門柳♡配料有超多款可以揀 佢好多配料都係由台灣直送 其中有好小地方可以食得到既水蓮佢都有 仲有蛋餃、王子麵等等 都係香港較難食到 雖然打邊爐如果食麵就有小小唔抵 但對於未食過王子麵既朋友又可以拎黎試下當完成一個小成就 另外仲有熟食區
本身見到呢間餐廳係全港首創有乳鴿任食既台式火鍋放題 但係怕食唔到好多野 所以今次同朋友叫左個3號套餐 係主打SRF美國極黑和牛 一位都係$228 計番都係50零蚊一個鐘比你任飲任食
♡湯底🍲
呢到有成十款湯底比客人選擇 麻辣🌶️、香辣🌶️、清甜、番茄🍅、骨鍋🦴、藥膳、胡椒🧂等通通都有 絕對揀得到岩心水既湯底 今次我就揀左清甜椰子雞湯🥥 打邊爐比較燥熱好似叫椰子比較清熱可以平衡番小小
♡牛肉🥩
包括有SRF美國極黑和牛、美國安格斯牛板腱同埋美國特級肩胛肉眼 我認為SRF極黑和牛係最好食 比較上黎充滿油脂香 牛板腱就肉味較為濃小小 以放題黎講呢間提供既牛可以講得上幾高質 另外仲有牛舌同埋封門柳
♡配料
有超多款可以揀 佢好多配料都係由台灣直送 其中有好小地方可以食得到既水蓮佢都有 仲有蛋餃、王子麵等等 都係香港較難食到 雖然打邊爐如果食麵就有小小唔抵 但對於未食過王子麵既朋友又可以拎黎試下當完成一個小成就 另外仲有熟食區添
♡飲品🥤
方面最正就緊係佢提供3款較特別既酒類比客人選擇 有白酒、提子燒酌同清酒 我同朋友三款之中最鐘意係佢款清酒🍶微甜帶有米香 啤酒同清酒都任飲 當然唔止酒類啦 佢仲有8個大雪櫃放野飲 唔岩酒類既朋友都可以試下佢自家製既冷泡茶 我覺得都唔錯 另外都仲有咖啡機可以沖咖啡☕️
♡甜品
有好多款雪糕雪條可以食 當中仲有 Häagen-Dazs杯裝雪糕 食多兩杯分分鐘本都回埋 除左雪糕雪條之外 仲有軟雪糕機🍨同埋其他甜品 岩唒我呢d甜品控😍
Post
