大瀛喜日本料理 (Closed)

依家香港一般嘅放題都要$300先賣到單，今日想介紹嘅係大瀛喜放題，佢價錢非常之抵食，只係$228加一（平日），食物多元化，香港人鍾意食嘅海膽同三文魚都有！首先，餐廳嘅面積都好大，兩個人入座都會比四人枱，所以唔使擔心坐得好迫。另外，餐廳嘅衛生都做得好好，餐具係即棄嘅，wasabi每天一包。一入去餐廳，就會見到甜品同埋飲品櫃。以非酒精飲品來講，都有好多選擇，小朋友鍾意飲嘅橙汁同蘋果汁都有，仲有好多日本野飲，例如忌廉溝鮮奶同埋蘆薈果汁。餐廳食物大致分為：刺身、壽司、手卷、熟食、串燒。大眾鍾意食嘅三文魚都非常之高質，肥瘦均勻，加上厚切，入口啖啖肉！好多時食放題，都會覺得熟食係一個伏。但嚟到大瀛喜日本料理餐廳，你會愛上左喺呢度食熟食，因為佢係即時整嘅，食物嚟到張枱嘅時候仲係熱辣辣。作為牛魔王，一定要提到牛柳，因為真係好好食，入口即溶！！至於海膽手卷，飯同海膽嘅比例係一比一，加上啲紫菜包住，真係好好味回味無窮！！難得見到有榴槤脆脆，梗係要喊嚟試吓啦一咬落去，啲榴槤餡即刻流出黎，浸榴槤味好自然唔做作，可以一戰！總括而言，放題嘅價錢唔算貴，雖然食物選擇花款唔多，但勝在務實。值得讚嘅係侍應服務態度非常好