鮮道樂 (Closed)

鮮道樂朋友介紹這間放題店食物新鮮而且選擇多，雖然價錢相比起一般放題較貴，但卻是區內難得的高質放題。首先餐廳MENU外表與日本報紙相似，亦有不少掛在門外。通常日本放題都係搵餐紙寫好數目後比店員下單，通常都有漏單或重覆情況出現，甚至有款下單紙消失。呢間完全相反，一份報紙就可以睇哂有咩食物，而且下單都係直接搵店員ORDER。餐廳的特色是每位有一些限量的款式的食物，而全部都印在MENU第一頁上。限量：其實落單3分鐘都唔夠，2款剌身就已經上碟啦，餐廳上菜速度非常快，而且好有效率。大吞拿魚刺身配牡丹蝦刺身吞拿魚肥美，牡丹蝦大隻兼新鮮。大吞拿魚刺身配波士頓龍蝦🦞半隻波士頓有肉汁，入口爽口，加上蝦頭有不少膏，夠哂滿足。籠仔蒸海鮮每日款式都不同，今天是大大隻的花甲，開蓋時已經有蒸氣熱辣辣，入口味道鮮甜肉質嫩滑。接著就黎到自助燒系列，分別有岩石燒安格斯牛小排及岩石燒黑毛豬五花腩。岩石燒安格斯牛小排牛小排肉色賣相不錯，2邊燒熟後就可以進食，而因為安格斯油份都不少，所以愈煎得耐就愈鈾細塊。牛肉肉質比一般放題店食到GE仲要好。岩石燒黑毛豬五花腩同樣五花腩色澤同外表都不錯，油脂量比較多，所以燒熱時要注意油份濺起。