30
3
0
Telephone
24431228
98186529 (Whatsapp)
Opening Hours
Today
11:30 - 16:00
17:30 - 23:00
Mon - Sun
11:30 - 16:00
17:30 - 23:00
Payment Method
Visa Master Cash Alipay AlipayHK
Other Info
Online Reservation
10% Service Charge
Spot payment
About Reward Scheme
Review (36)
Level4 2018-12-10
1019 views
今晚兩公婆去左元朗鮮道樂食放題,聽朋友仔講質素唔錯,於是慕名前來~~餐牌似一份報紙,入面有好多款式食物任意order,但未開始order食物前,侍應同我地講有一次性頭盤上桌首先有大吞拿魚腩刺身及赤貝,食第一口,呑拿魚腩入口即溶,而赤貝好鮮味及爽甜籠仔蒸大蜆,熱辣辣好鮮味岩石燒黑毛豬五花腩黑毛豬腩唔靱,加少少鹽上面,已好夠味味噌甲羅燒(燒松葉蟹蓋),好野味,配埋窩巴食,味道好夾。珍寶黃金蠔,燒得啱啱好,唔乾身,芝士好味蟹味噌松葉蟹肉釜飯,飯有味噌湯味,好入味,內有蟹肉、香菇,有大約兩碗飯份量,好食食完一次性頭盤,開始自己order任食,我地order生蠔,夠新鮮,creamy ,食左好多轉海膽手卷,飯微暖、紫菜夠脆,海膽新鮮飲品任飲最後食甜品(一人order一份),雙重芒果脆脆杯,內有芒果、粟米片加忌亷,都幾得意,味道唔錯。朋友仔真係冇介紹錯,依間放題質素好高 continue reading
(The above review is the personal opinion of an user which does not represent OpenRice's point of view.)
Level4 2018-12-07
659 views
好友生日將至, 特別相約她來元朗, 吃這家豪華的放題, 平日晚上也要$588, 確不便宜, 但見海鮮都幾多, 我倆又喜歡海鮮, 就來一試慶祝一下吧。有些一次性頭盤是限量送出的, 有海鮮、岩石燒肉等, 還有一個釜飯, 還好沒來, 肚子實在沒容量吃飯吧。大吞拿魚腩刺身: 咬下去比較多筋。波士頓龍蝦(半隻): 是熟的冷盤來, 半隻都幾有份量, 不會太細隻, 還可以剝開龍蝦鉗吃鉗肉, 味道幾鮮。活赤貝刺身: 爽口, 有活貝的鮮味。鮮帶子刺身/ 北寄貝刺身: 北寄貝有點薄, 帶子厚肉鮮味。生蠔: 分日本和法國兩款, 可以無限添加的, 是晚所吃的生蠔比較creamy, 而我喜歡爽身的, 所以無再加。岩石燒安格斯牛小排 / 岩石燒黑豬毛五花腩: 用上少少鹽調味, 放在石板上烤熟, 感覺不易燶, 易控制, 肉熟得也平均。味噌甲羅燒: 值得一讚, 味道沒有太鹹, 把蟹肉蟹膏撈勻放在脆米上, 味道口感也不錯。籠仔蒸活海鮮: 應該是蚌仔來的, 味道的確好鮮甜, 熟度也控制得好。貓山王炸彈: 新鮮炸起的脆波, 貓山王的榴槤味道幾香, 有點流心效果, 喜歡榴槤的朋友一定要試試。蒲燒鰻魚串: 肉質肥美, 味道濃郁。燒雞泡魚乾: 口感煙煙韌韌甜甜, 幾有水準, 是不錯的小食。清酒煮大蜆: 蜆不算太大, 沒有煮得太熟, 仍有嫩嫩的口感, 但清酒酒味太濃, 有點苦, 酒煮耐一點揮發多點酒味會更好。秋葵炒雜菜: 秋葵不見了蹤影, 餘下炒雜菜, 份量和醬汁都有點多, 醬汁偏甜的。蒜香牛舌片: 好大碟, 建議份量減半或更少, 食放題一定想試多些東西, 吃不完就浪費, 牛舌薄薄嫩嫩的, 也不錯。西京燒銀鱈魚: 和在高級日本料理店吃到的, 味道一樣的好, 銀鱈魚滑滑甜甜的, 我喜歡。洋風香草燒羊架: 竟然有兩件, 像西餐的主菜, 我們嚇一跳, 入口覺得有點太多鹽, 羊有點肥美, 不太羶。大蜆味噌湯: 剛才的清酒湯喝不到, 這個就可補償了, 感覺是靚味噌, 香而不死鹹, 鹹度輕, 也有幾顆大蜆可吃。雙重芒果脆脆杯/ 3.6牛乳奶凍: 每人限量選一款甜品, 份量也是十分大, 芒果脆脆中的芒果甜中帶酸, 底下的脆脆已淋了, 比較多cream, 牛乳奶凍偏甜。日本梅子果酒: 原以為一樽是一支, 原來是一瓶, 看樣子就知有料到了, 果然酒味頗濃, 梅子味也濃, 所以也易入口, 蠻特別的酒。今晚和朋友聊了很多, 吃了很多, 不像一般放題店, 這裡坐得舒適, 顧客數量也不多, 店員可以好照顧每一枱客, 也沒有漏單的情況, 酒的款式蠻多, 如果喜歡喝酒、吃刺身、生蠔等, 很快可以回本了。建議食物份量小一點, 比較可以吃多點款式又不浪費。 continue reading
(The above review is the personal opinion of an user which does not represent OpenRice's point of view.)
Level4 2018-12-06
414 views
今日好友相聚,由你發板吧!先整份「鮮味新聞」睇下乜東東!成份號外咁得意,原來係餐牌,幾有心思會先order一次性的頭盤:*大吞拿魚腩刺生拼波士頓龍蝦🦞*籠仔蒸活海鮮*蟹味噌松葉蟹肉釜飯*岩石燒黑豬毛五花腩*味噌甲羅燒波士頓龍蝦肉質幾爽又有膏燒松葉蟹蓋,蟹膏好香濃岩石燒黑豬,肥瘦層次分明夠嫩滑食埋份松葉蟹肉釜飯大家都幾滿意放題當然要再食刺身、壽司、炸物、燒物,叫份梅酒享受下先三文魚、帶子刺身鮮甜,又厚切,滿足我口感少有地方食到咁大隻赤蝦刺身海膽手卷,海膽唔腥,紫菜超脆超大條蟹棒壽司,真棒,黑松露帶子壽司,黑松露很香炸榴槤很香榴槤味、芝士年糕帶少少咸拉到絲tim燒羊架幾淋,又好香玉子燒香濃蛋味帶少少甜店舖好有日式feel,掛滿和傘色彩繽紛食物、飲品質素,賣點重要係 無限時 continue reading
(The above review is the personal opinion of an user which does not represent OpenRice's point of view.)
Level4 2018-12-02
484 views
上網睇咗啲介紹,知道西菁街嘅鮮道樂喺一間高級放題,今日終於食到啦!雖然佢比起一般嘅放題黎講算係偏貴,但 食材同埋質素絕對係對得住價格。酒精類飲品已經好精彩,hoegaarden奇異果啤酒, 菊正宗清酒都有得揀! 另外日本蜜瓜味汽水都好好飲!每位食客預設嘅頭盤之一,都有大拖羅, 冇筋勁香魚油味入口即溶。 OMG, 香港要食到好食嘅大拖羅已經唔容易,仲要係放題到有得食,香港有邊間放題做得到呢?隔離嗰隻鮮赤貝,亦都非常新鮮爽口彈牙!切勿錯過。預設頭盤二, 岩燒安格斯牛小排,一睇就知靚牛。預設頭盤三,籠仔蒸海鮮,今晚係大蜆,有我手掌咁大隻!好鮮嫩。預設頭盤四,揀咗甲羅燒, 好香嘅蟹膏同蟹肉,呢唔係撈飯而係跟米通,好香脆可口,做佐酒小食一流!仲有法國同日本生蠔任食,蠔身好肥美呀!刺身壽司等等都係好高質素!連甜品都精美過人,絕不馬虎!由頭到尾都比人超高感官享受!成人每位$688, 由晏晝5點半開始至到11點,可以食足5.5小時! 仲有vip房可以book,可以一大班朋友坐多幾個鐘食咁高質嘅放題,人生一大享受! continue reading
(The above review is the personal opinion of an user which does not represent OpenRice's point of view.)
Level4 2018-11-29
401 views
無意之間經過元朗掃街, 發現西菁街新開左一間放題,行埋去望一望餐牌,發現一位嘅放題竟然要688/位,雖然新開業只需488/位,以我食放題嘅專業角度嚟睇都算係偏貴,但係價錢絕對唔能夠反映全部事實, 忙一忙餐牌發現全部頂級食材,而且仲有好多特色嘅日式食物, 感覺絕對係貴得有道理,所以就二話不說立即埋去體驗一番。未入去之前首先介紹下佢嘅裝修, 非常有日本嘅風情,門口掛住好多燈籠仔,似足日本大江戶時代,入到去店入邊, 天花板掛住七彩顏色嘅紙雨傘,非常有品味,並座位以卡位為主,已原木色作為主調,非常舒服。未食主菜先黎嘗嘗飲品,菊正宗嘅清酒簡直係食日本菜不二之選,佢嘅清酒用冰鎮着配合埋佢一套餐具都一個花系,感覺美觀特色嘅啤酒特飲亦都係非常搶眼,菠蘿味既Corona 、奇異果味嘅Hoegaarden!本人真係第一次飲,估唔到出奇咁夾未開始點任何食物之前,餐廳基本上已經設好頭盤俾你選擇,第一個頭盤包括有三文魚刺身、松葉蟹腳、法國生蠔及我最愛嘅大拖羅刺身,基本上淨係睇佢嘅賣相已經覺得值回票價,同去日式嘅頂級餐廳完全有過之而無不及。首先淨係食佢嘅厚切三文魚已經同平時食到嘅唔同,魚油豐富,法國生蠔雖然未知什麼品種,但係食到好濃郁嘅海水鮮甜味道,食完之後仲有After Taste殘留口腔認真就滋味,松葉蟹腳更加係一大精彩之處, 味道極鮮甜而且蟹味濃郁,更重要嘅係可以無限encore蟹腳,食到非常治癒。而最後大拖羅更加可以話係入口即溶,拖羅嘅油脂非常豐富,食完之後滿口拖羅香味新鮮嘅海鮮唔需要特別加工,簡單嘅蒸煮工序已經食到佢嘅鮮甜味美,呢個籠仔蒸大蜆簡直係冇得頂,大蜆係非常巨大,而且入口鮮甜,咬開係爆汁牡丹蝦刺身一直係我最愛,牡丹蝦刺身夠爽口彈牙味噌甲羅燒呢款一般在居酒屋先有嘅食物竟然會喺度出現,用松葉蟹蓋裝住蟹膏,放喺米通上邊品嚐簡直係人生一大樂事,雖然入邊加入奄春蛋,但係就反而令佢更加香口。最後係岩石燒,揀咗安格斯肉眼扒同埋黑毛豬扒,自己親自烹調放岩石上邊燒真係別有一番風味,岩石嘅溫度平均燒出嚟嘅肉特別好味。講到呢度原來我只係啱啱完成左佢嘅頭盤特定菜式真正嘅自選放題食物而家先至開始任食嘅法國生蠔非常肥美,大隻而且入口creamy,食完仲有After taste,鍾意食生蠔嘅人一定回本。蟹味增原隻鮑魚釜飯雖然呢個係日式嘅製作,但係感覺就非常似香港嘅煲仔飯,因為佢整完之後個底係會有飯焦,而飯入邊加入左大大隻鮑魚,賣相好夠飯香而且粒粒分明鹽燒三文魚魚胶, 一睇就知係用好大條嘅三文魚既魚頭,外皮燒到外脆而肉質juicy,食落充滿骨膠原。呢一個魚頭真係要四個人先食得晒刺身有幾新鮮,睇相就知,不用多說壽司精美致極天婦羅大蝦用好大嘅蝦製作而成雙重芒果脆脆杯, 白色嘅係軟滑嘅忌廉,入邊係非常豐盛嘅芒果,食得非常滿足 continue reading
(The above review is the personal opinion of an user which does not represent OpenRice's point of view.)