The BASE nature (Closed)

同老豆黎荃灣食飯，見到有個$458嘅招牌肉眼二人餐，都幾抵食。包餐湯餐包，一個意粉一個牛扒同兩杯飲品。餐湯係蕃茄湯，蕃茄味濃，唔係淡茂茂嘅羅宋湯。麵包係酸種法國多士，欣賞佢焗得幾脆而且搽滿牛油食落幾香口。推薦佢嘅蟲草花米型粉好creamy,好香黑松露味，仲有隻雞蛋俾你撈勻。米型粉口感好特意，似QQ飯粒，蒟蒻飯嘅感覺， 又幾好食。澳洲MB2黑安格斯肉眼扒叫左5成熟，夠juicy。 推介煙熏岩鹽，配牛排一流。配菜都幾多款式，有南瓜薯仔冬菇。西班牙海鮮飯名副其實海鮮飯，海鮮份量非常多，有魷魚三隻南海虎蝦，蜆同青口，鋪滿成個飯。最後飲品部份，叫左mocha咖啡同蜜糖桂花茉莉綠茶。擺盤幾特別，有個燭台喺下面咁就唔使驚佢變凍。咖啡亦都香濃。