鮨一 (Hau Fook Street)

Open Now

Now Closed

周末約左fd 相聚一下，揀左去尖沙咀厚福街呢間日本居酒屋，點左個二人餐$853。刺身4款：帶子大粒鮮甜、蝦大隻肉厚、三文魚腩及呑拿魚腩厚切。漬物：有醃製過既青瓜、黃薑。和風糖度蕃茄：未算好甜，配醋汁。時令生蠔：生蠔好巨型、飽滿肥美，上面加左柚子皮增加鮮味。蟹籽沙律：滿滿既蟹柳絲夾雜埋青瓜絲一齊食，幾爽口，加埋卜卜聲既蟹籽。味噌魚干：每人一碟吾洗爭，魚干夠濃味同入味。日本海膽三文魚籽杯飯：經調味過既醋飯上放滿左海膽同三文魚籽，貌相吸引。海膽呑拿魚蓉杯飯：同樣貌相一流，海膽堆到好高，見到師傅亳不猶豫地堆滿海膽，感覺好似大贈送。櫻花蝦葱呑拿魚腩卷：呑拿魚腩蓉加上脆口櫻花蝦，口感不錯，葱味香濃。唐揚炸雞配明太子醬：2件炸雞，雞肉仍然有嫩滑口感。糖心蛋蜆肉味噌湯烏冬：糖心蛋好入味、蜆肉幾有鮮甜，不過湯底就比較普通，無咩味。甜品 奶茶味蛋糕：蛋糕同cream一層層，上面有啲開心果粒，令成餐好滿足。