一段時間無食潮州菜啦, 朋友介紹, 去左 北角 潮樂園. 小店有2間舖, 坐位不多, 當時入坐主舖. 7時前已到達, 幸好稍等已有位, 之後食客不斷, 要等位啦. 店內裝修明亮, 比一般潮州老店來得簡潔.
蘿蔔 - 清甜 無渣
墨魚片 - 薄薄的, 爽口彈牙又唔韌, 仲有豆腐墊底, 滑不嚡口有豆腐香.
鹵水鵝片飯
鵝片肉切得薄薄的, 肉質扎實肥美, 嫩滑不膩, 唔會食到一口油, 加上自家製的滷水汁, 味道唔錯又唔覺鹹。鵝片墊底附有幾片小小的豆腐, 滑而不嚡口, 飯還附帶蘿蔔清湯一碗.
蠔仔粥
熱騰騰的, 夠暖胃哦! 潮州粥就係潮州粥, 飯粒與湯水分明, 但飯粒又要比粵菜湯飯來得腍. 粥內滿是蠔仔, 份量十足, 每隻蠔仔都新鮮又肥大, 隻隻都係飽脹飽脹的. 味濃甘鮮而不腥, 粥內仲有小粒小粒方魚塊, 加上青蔥味和芫茜, 真係鮮味出色
. 此店既蠔仔粥, 係我食過最好味既蠔仔粥之一
. 
1
黃金煎蠔餅
酥炸的外皮, 餅內蠔仔份量更是超額, 蠔仔同樣係肥大鮮美, 雖是油炸但口感又不油膩. 用料十足之餘, 份量更是足, 粗略估計起碼足夠4人進食
.
潮州羊腩煲(小)
小而深的一個湯煲份量, 附跟新鮮生菜. 羊腩肉相對多, 肉夠腍但略為瘦, 有點不夠肥美可口, 配料有馬蹄, 枝竹等, 但感枝竹未夠腍及入味. 此羊腩煲南乳味低, 湯底唔會太鹹.
