姚姚酸菜魚 (港威商場)

Open Now

Now Closed

和友人海港城行完街去醫肚，見呢間排隊特別長龍好奇試試。真的好味等耐點都值。手機掃QRcode落單好方便，仲以自動送餐機送餐，追得上時代尖端。店內以Tiffany blue色調，簡潔清新地方闊落。主打酸菜魚單點已好吸引，見附近食客多點雙併，我都要！姚姚酸菜魚併蕃茄魚（2人份） $308好大盤佔了枱一半，有火爐熱住食唔怕凍晒會鯹。每邊湯底好多新鮮鱸魚片，肉質嫩滑彈牙無骨。酸菜湯好多酸菜，辣度適中，酸酸辣辣愈食愈開胃，另一邊蕃茄湯夠濃郁，有好多粉絲可吸晒蕃茄湯的精華。大盆花菜 $98主以花菜、五花肉同辣椒等香料煮製，辣辣地好惹味，炒得好夠穫氣，會令人一件接一件甘食，難怪是推薦菜式。粉紅烏龍冰粉 $48提子乾、酒糟、紅豆、丸子、花生碎及黑芝麻列陣工整，賣相吸引，淋上椰漿，冰粉冰凍透心涼，淡淡茶香不會過甜，必點的一款甜品。茉莉香橙 $38味道清甜不漏，好香鮮橙味，解辣又解渴。