Video
7-min walk from Exit A1, Tsim Sha Tsui / East Tsim Sha Tsui MTR Station
continue reading
Telephone
31050555
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
喜歡吃酸菜魚既我哋，依日就去咗尖沙咀港威商場既姚姚酸菜魚，推出左幾款新套餐，春夏滋味套餐、滋味共享套餐及海陸空套餐等等；入到餐廳，以清新既湖水藍色為主色調，設計簡約有質感，地方闊落，坐得舒適。海陸空套餐 (原價$538，優惠價$448)套餐包括 : 姚姚酸菜魚 拼 (避風塘大蝦/番茄魚/水煮牛肉) 任選一款、北京烤鴨(半隻) 及 川味鴨架。姚姚酸菜魚 拼 避風塘大蝦 招牌菜姚姚酸菜魚，之前食過覺得好味，今次就嘗試一鍋兩食拼避風塘大蝦。呢個係二人份量，個鍋超大，材料十足，餐廳用上有認證既鱸魚，所以食得安心又健康。鱸魚份量都好多，魚肉鮮美，嫩滑結實，酸菜爽口，湯汁清甜，好開胃。配搭避風塘大蝦，香濃既炸蒜茸，炸到好脆口，蝦肉爽口鮮甜，薯條炸至金黃，同樣加入避風塘炸蒜，帶少少辣，越食越想食。一鍋可以食到兩種不同款式既美味菜式，真心不錯。北京烤鴨烤鴨半隻，足夠二人份量。熱烘烘既餅皮，包裹香嫩既鴨肉及充滿油香既鴨皮、青瓜蔥絲及秘製甜麵醬，口感豐富，令人回味無窮。川味鴨架烤鴨附有川味鴨架，拆肉後既骨，連骨帶少少肉一齊食，肉嫩有汁，淋上好辣油，香辣惹味。
continue reading
姚姚酸菜魚📍尖沙咀廣東道3-27號海港城港威商場2樓2307號舖呢間喺海港城，位置幾方便，搭扶到電梯到2樓直行就會見到。店面用咗Tiffany Blue做主色✨感覺幾清新。一望menu就俾啲神仙套餐吸引住，可以一次過試到酸菜魚同北京烤鴨兩款招牌菜😍一於試下!我哋叫咗個春夏滋味套餐，$338夠兩個人食，抵食！~姚姚酸菜魚🐟酸菜魚一大盤上枱，份量超足料。湯底飲落酸味幾突出，帶少少麻辣🌶️清爽唔油膩，幾開胃。魚片用咗鱸魚，口感滑溜冇骨，啱晒怕骨嘅人。推薦加個白飯配埋一食🍚，啲飯索晒湯汁超惹味😍~北京烤鴨半隻份量都唔少，皮燒得脆身，帶少少焦香，連帶嫩滑鴨肉，唔會韌😋跟咗餅皮、青瓜條、京蔥同甜麵醬自己包嚟食，個甜麵醬調得幾好，同鴨肉好夾🥰~孜然椒鹽鴨架食完烤鴨，用剩餘嘅鴨架加工做成呢道菜，炒得幾香口，孜然同椒鹽味好出，送酒或者送飯都好適合👍🏻~多多桃膠椰奶🥥杯野飲幾大杯，椰奶味香濃，入面加咗桃膠同寒天，口感豐富。桃膠煮得夠淋，椰奶唔會太甜，好解辣😃~手打檸檬茶🍋檸檬茶係正常發揮，茶味幾濃，檸檬唔會好澀，甜度適中清爽👍
continue reading
哇！真係估唔到人氣爆燈嘅姚姚酸菜魚靜雞雞殺入尖沙咀！今日約咗班friend去試水溫，一於叫個「滋味共享套餐」睇吓係咪真係咁掂～ 首先講吓個招牌酸菜魚，一上枱已經聞到撲鼻嘅酸辣香，魚片用咗鱸魚，片得薄身又滑溜，完全冇骨，食落鮮甜得嚟又唔會散開！酸菜夠晒爽脆，酸度啱啱好，湯底濃郁但唔會死鹹，飲咗兩啖已經忍唔住叫多碗白飯撈汁！至於北京填鴨半隻，絕對係驚喜位！鴨皮燒得金黃香脆，片皮功夫唔錯，脂肪同肉比例均衡。用熱辣辣嘅薄餅包住，加埋青瓜絲、京蔥同甜麵醬，一啖咬落去～鴨油香同醬香完美融合，滋味到震！食完填鴨，個孜然鹽燒鴨架即跟上，鴨架炸得乾身香口，灑滿孜然粉同辣椒碎，啃落超級惹味，送酒真係一流！套餐份量夠三至四個人share，價錢都算合理，環境闊落坐得舒服。
continue reading
行完街想食酸菜魚，姚姚酸菜魚之前都食過一次唔錯😋滋味共享套餐($438)呢個餐2個人食都足夠，包含半隻北京烤鴨、酸菜魚、孜然椒鹽鴨架、薯仔絲半隻北京烤鴨鴨肉份量唔少，呢度鴨皮會切走過多嘅皮下脂肪，唔會食到成口油淋淋，餅皮都keep到軟熟👍🏻酸菜魚我哋揀左少辣，湯底花椒味香，麻香十足好惹味，魚肉嫩滑入味，酸菜份量多，唔會太酸，食唔停口🤤孜然椒鹽鴨架、薯仔絲鴨架加入孜然椒鹽惹味，有少少麻香～薯仔絲係涼菜，辣辣地，簡單好食
continue reading
這是一家位於尖沙咀海港城的，我們點了春夏滋味套餐，包含酸菜魚（精裝版）、北京烤鴨（半隻）和孜然椒鹽鴨架 。酸菜魚：這是餐廳的招牌菜品 。鮮嫩的魚片搭配著酸菜，還有點綴的干辣椒和香菜。魚肉入口滑嫩，沒有過多的魚刺，吃起來十分過癮。北京烤鴨（半隻）： 烤鴨色澤紅潤，外皮酥脆。搭配有薄餅、蔥絲、黃瓜條以及甜麵醬等。一口下去，口感層次豐富，蔥絲和黃瓜的清爽很好地中和了油膩感。孜然椒鹽鴨架：鸭架經過孜然和椒鹽調味，鹹香交織，啃起來特別有滋味。麻辣牛展：牛肉紋理清晰，上面撒有芝麻等調料。牛肉口感紮實有嚼勁，麻辣味恰到好處。紅糖糯米糍粑： 這道小吃軟糯香甜，糍粑外皮酥脆，內裡卻是軟糯的糯米質地，裹上紅糖漿，再撒上黃豆粉，口感豐富，。藤椒無骨鳳爪：鳳爪處理得很乾淨，無骨的設計方便食用。鳳爪吃起來酸辣爽口，嚼勁十足，是一道非常開胃的涼菜。多多桃膠椰奶： 桃膠軟糯Q彈，椰奶的香味濃郁，甜度適中，既能解辣又能解膩。鮮奶紅茶凍： 茶香和奶香相互交融，凍狀的口感清涼爽口，在吃了眾多辣味菜品後，來上一口，十分解膩。
continue reading