Video
Read full review
2017-03-28
7888 views
近年來，越來越多食肆進駐石門，對我呢個新界人黎講梗係開心啦。是夜同男朋友兩個去彩福皇宴，一心黎參與每年三月開始的「彩福龍蝦節」。游水加拿大龍蝦（＄78一斤，星期六、日及公眾假期$98一斤）侍應話每隻龍蝦重一斤多少少，總之＄100有找就食到一隻龍蝦，真係好抵呀。食法有兩種，上湯開邊焗 或 蒜茸開邊蒸。我揀左上湯開邊焗，另加伊麵底$30。一上桌，真係可以用喜出望外黎形容，份量之多，簡直大過我塊面，仲香噴噴添。侍應好貼心咁遞上濕紙巾，於是我就唔客氣啦，徒手同隻龍蝦搏鬥！龍蝦鮮味無窮，啖啖肉，十分彈牙，不過我就食到成手、成下巴都係汁。脆皮旺金南乳雞（$58/半隻）男朋友好好，留番晒d脾位比我食，所以我食到的部份都非常嫩滑，點南乳汁一流！大澳鹹魚雞粒豆腐煲（$80）呢個煲我同男友都紛紛讚好，味道濃郁，豆腐滑嫩，最重要係好夠熱，粒粒豆腐中間都係燙嘴的，不過偏油。真係有衝動點碗白飯撈下，可惜太飽，只好作罷。紫醉金迷（$18/4件）紫薯味千層糕，蕃薯味出，比較乾身。鯉魚芒果布甸（$16）賣相精緻，味道不過不失。原個椰皇燉燕窩（$38）暖暖的上桌，今餐以滋補的燕窩作結，滿足！
近年來，越來越多食肆進駐石門，對我呢個新界人黎講梗係開心啦。是夜同男朋友兩個去彩福皇宴，一心黎參與每年三月開始的「彩福龍蝦節」。
游水加拿大龍蝦（＄78一斤，星期六、日及公眾假期$98一斤）侍應話每隻龍蝦重一斤多少少，總之＄100有找就食到一隻龍蝦，真係好抵呀。
食法有兩種，上湯開邊焗 或 蒜茸開邊蒸。
我揀左上湯開邊焗，另加伊麵底$30。
一上桌，真係可以用喜出望外黎形容，份量之多，簡直大過我塊面，仲香噴噴添。侍應好貼心咁遞上濕紙巾，於是我就唔客氣啦，徒手同隻龍蝦搏鬥！龍蝦鮮味無窮，啖啖肉，十分彈牙，不過我就食到成手、成下巴都係汁。
脆皮旺金南乳雞（$58/半隻）男朋友好好，留番晒d脾位比我食，所以我食到的部份都非常嫩滑，點南乳汁一流！
大澳鹹魚雞粒豆腐煲（$80）呢個煲我同男友都紛紛讚好，味道濃郁，豆腐滑嫩，最重要係好夠熱，粒粒豆腐中間都係燙嘴的，不過偏油。
真係有衝動點碗白飯撈下，可惜太飽，只好作罷。
紫醉金迷（$18/4件）紫薯味千層糕，蕃薯味出，比較乾身。
鯉魚芒果布甸（$16）賣相精緻，味道不過不失。
原個椰皇燉燕窩（$38）暖暖的上桌，今餐以滋補的燕窩作結，滿足！
Post
