潮福蒸氣石鍋 (Closed)

一路都好想食潮福，難得表妹生日，就帶佢食好野 =]今次黎到佢住果頭， 西環堅尼地城果間分店～今次我地叫左個任揀任食任飲SET ～星期一至四會平D！ 一開始黎左D 涼菜，酸酸甜甜，非常開胃！ 之後職員放左瑤柱、准山、米 0係最底，一陣最後蒸到變粥食～ 每人一碗燉湯，入面材料很多，而且唔覺有有味精，味道濃郁！ 之後有我最中意既乳鴿 =]燒得好靚，火候控制得唔錯，乳鴿皮脆肉嫩滑，而且調味亦適中！ 跟住就蒸海鮮～有蜆、龍蝦、蟶子、扇貝、鮑魚等！ 龍蝦貨真價實，大大隻，啖啖肉，每人分到半隻～蒸熟後十分厚肉，味道方面都好鮮甜，真心唔錯！蜆、扇貝、蟶子係自選既，全部都好有鮮味，蒸熟後味道非常出色。鮑魚用了蟲草蒸，每一隻都好飽滿，口感彈牙！除左海鮮之外，我地亦當然蒸左其他野食～粟米超甜，而丸類不過不失，牛肉都鮮嫩，整體上唔錯！ 食完後，侍應會拎走蒸隔，就會見到一鍋軟綿綿既瑤柱淮山粥已經煮好！超正，完全係吸盡頭先所有食材既精華，每一啖都鮮味無比，好滋味 =] 埋單加埋一，每人$400 ~成晚個侍應不停照顧，由落海鮮、調教時間、換碟、分海鮮等等，服務好好～餐飯表妹都好滿意！