四點金飯店 (Closed)

復活節假期開始咗，今日約朋友飲茶傾計，佢話附近新都城商場呢間四點金飯店唔錯，點心幾好食，就約佢中午飲茶😄飯店原來係潮式，粤式飯店，可以食潮州菜+粤菜，門口外賣檔都有唔同小菜同小食售賣，種類都幾多元化，價錢又相宜，朋友話佢晚上放工都買過佢哋嘅小菜同滷味返屋企😄餐牌潮，粤式選擇都有，見飯店推薦蠔仔烙同炸蛋散，兩樣都好耐冇食過，就要啦😉蠔仔烙蠔仔烙有兩塊，用蠔仔，葱粒同蕃薯粉煎炸,微燶，蠔仔飽滿唔腥，啖啖都食到蠔仔😋，食落既軟糯又香脆👍，份量大塊D就更加好喇😍炸蛋散蛋散大大嚿，蛋散沾上黄糖，芝麻同煉奶，鬆脆有蛋味，乾身唔油膩，又唔太甜😋，不愧係佢哋飯店嘅第一甜品👍孖寶：水晶蝦餃王，葱花炸両腸蝦餃大大粒，蝦仁爽口彈牙👍,葱花炸両腸正正常常，唔差😄咸菜煮豬肚豬肚炆得幾腍，份量都唔少，唔係得四，五嚿，配咸菜同胡椒粒，味道啱啱好😋