潮州合成甜品

Open Now

Now Closed

今日嚟到九龍城，食完晚飯之後經過合成糖水，忍唔住又走咗入去食返個甜品。雖然呢度冇賣相精緻嘅waffles or pancakes, 但呢度充滿着濃厚嘅人情味，店員嘅態度好親切，而且仲可以食返細細個爸爸媽媽成日帶我去食嘅潮式糖水。講起潮式嘅糖水，大家一定會好快諗起清心丸。冇錯，清心丸係我其中一樣至愛，煙韌控當然一定會叫啦。叫咗個腐竹糖水加湯圓同埋清心丸，鍾意佢嘅腐竹糖水唔會太甜，感覺又滋補。湯圓嘅外皮好似厚咗啲，芝麻餡亦不過不失。朋友嘅薑汁糖水湯圓都唔錯，但係薑汁可以再辣啲，係呢個凍冰冰嘅天氣底下就更加保暖！