Video
Read full review
2020-01-20
753 views
呢間位於新都城2期嘅潮式酒樓開業已經有十個月，啱啱開始嗰陣大排長龍，成日都想試吓。今次經過見等位嘅人唔多，我哋都拎張飛仔等下午茶。準時下午兩點安排入座，客人唔算好多，近門口位掛滿燈籠，又有瓦片做裝飾，裏面就有掛畫。坐低睇睇原來下午茶時間大中小點都係計小點價錢，而且茶位收費都幾平。除咗點心，湯粉麵粥，炒粉麵之外，仲有小炒飯餐，我哋三人叫咗七個點心，一個炒粉麵同埋一個客飯餐，食物味道同環境都幾好，服務亦可以。水晶蝦餃皇，粒粒都脹卜卜，蝦肉爽口。洋菜牛肉球，肉質唔會太鬆散，幾好。豉汁蒸排骨，肉質新鮮，肥瘦適中，幾好味。蜜汁叉燒腸，都幾足料，幾滑。杏汁雪山包，表層唔酥，餡有杏仁香，質感有啲似炸鮮奶，口感有啲怪。蘿蔔絲酥餅，即炸夠熱，不過外層無一絲絲，口感爭啲啲，餡唔錯，都可以嘅。蒜香蝦春卷，大大件，新鮮又脆，蝦少咗啲，幾好味。潮州咸菜煮門鱔，而家街巿買鱔都幾貴，所以點咗呢個套餐，跟湯同飯。蓮藕豬骨湯，味精唔算多，味道一般。咸菜湯味道可以，大概有五件鱔，都幾大件，不過四件係多骨嘅邊位，只有一件係中間肉位，不過對得住個價錢。汕頭炒紅薯粉，第一次炒粉，配菜好多，粉就痴埋一齊，可能我鐘意食薯粉，覺得味
水晶蝦餃皇，粒粒都脹卜卜，蝦肉爽口。
洋菜牛肉球，肉質唔會太鬆散，幾好。
豉汁蒸排骨，肉質新鮮，肥瘦適中，幾好味。
蜜汁叉燒腸，都幾足料，幾滑。
杏汁雪山包，表層唔酥，餡有杏仁香，質感有啲似炸鮮奶，口感有啲怪。
蘿蔔絲酥餅，即炸夠熱，不過外層無一絲絲，口感爭啲啲，餡唔錯，都可以嘅。
蒜香蝦春卷，大大件，新鮮又脆，蝦少咗啲，幾好味。
潮州咸菜煮門鱔，而家街巿買鱔都幾貴，所以點咗呢個套餐，跟湯同飯。
蓮藕豬骨湯，味精唔算多，味道一般。
咸菜湯味道可以，大概有五件鱔，都幾大件，不過四件係多骨嘅邊位，只有一件係中間肉位，不過對得住個價錢。
汕頭炒紅薯粉，第一次炒粉，配菜好多，粉就痴埋一齊，可能我鐘意食薯粉，覺得味道幾好，而且都幾飽肚。
Post
