Y Pasta

聽講Y Pasta係用本地後生仔整嘅手工意粉，所以就去試下。1）意式豬面肉卡邦尼意粉(扁意粉)可以揀食咩意粉，所以揀咗扁意粉。意粉的確幾好食，係啱啱好熟嘅硬度。豬面肉鹹咗啲。2）川味菠蘿雞肉薄餅其實只係夏威夷薄餅再淋辣油喺面。薄餅上一撻撻黑色係辣油渣，食落超鹹、同個薄餅一啲都唔夾。餅底又太薄，吸收唔到辣油嘅味道，變咗辣油還辣油，薄餅還薄餅，味道夾唔埋一齊。意粉味道唔錯，但都冇特別；川味薄餅絕對有改善空間。用餐當日係星期日，冇book位嘅情況下被分配坐bar枱望住餐廳外面啲人行嚟行去。如果唔想比人望住曬，建議預先book位。