Shining Restaurant & Lounge (Closed)

初初上到去，真係有驚喜，因為外貌睇落去真係一間酒吧，完全唔似一間食潮州菜嘅餐廳。餐牌上嘅選擇都唔算多，但係都OK，當然唔可以同一般潮州酒樓嘅菜單相比，但係好fusion，味道亦都唔錯。菜單入面有一頁都係啲煎炸嘢，比較適合送酒。餐廳入面嘅設計好有酒吧feel，過咗10點之後，開埋個disco嘅波波，再加上現場音樂一路放K-Pop， Crossover有驚喜。不過如果有小朋友一齊嘅話，呢間餐廳就未必咁適合啦。另外因為同朋友慶祝生日，我哋自己帶咗蛋糕上去，餐廳嘅職員好好，幫我哋雪起個蛋糕，仲冇收切餅費添。