Shining Restaurant & Lounge (Closed)

呢間酒吧非常特別，除左提供唔同既酒之外，仲有精緻既fusion潮洲菜，中西合璧，好特別啊！我地點左九品味，九宮格入面有唔同既潮洲小菜，包括話梅車厘茄、酸菜蘿蔔、五香牛展、清酒秋葵、芥末雞腳筋、滷水豬舌、滷水鴨腎、鮑魚同埋墨魚，每樣食材配搭唔同醬料，最鍾意就係鮑魚同埋墨魚，酸酸辣辣仲有少少酒香！另外仲有白鹵水餐，呢個套餐好豐富啊，前菜有酸菜蘿蔔同埋威士忌酒香鵝肝，重點就係呢個鵝肝，侍應會整個泡泡出黎，穿左之後會滲出木香，再倒啲威士忌落鵝肝到，呢個配搭好食！另外重有花雕醉鴿，酒香純郁，鴿肉嫩滑。最後，點少得杯cocktail呢，點左white Russian。