鎔記潮州飯店

Open Now

Now Closed

呢日來到九龍城，行經城南道街口，見到個易拉架，介紹鎔記正宗潮州美食，諗起有一排冇食潮州嘢，咁就呢個啦。擺起菜牌，見有招牌滷水，煲仔菜，海鮮，精美小菜和火鍋，今日天氣唔會吃火鍋嘅，嗌D小菜，滷水好D。『韭菜豬紅』好耐冇吃，我同朋友都鍾意，豬紅好入味好滑，好快吃晒一大碗，满足。『滷水鳳爪』鳳爪也好腍，仲有滷水花生也唔錯。新開張之故，每日都有特價嘢吃，今日特價係蒜蓉粉絲蒸開邊蝦，好大一碟，勁多蒜蓉同埋新鮮蝦，吃到舔舔脷。椒鹽九肚魚外皮香脆可口，内裡雪白魚肉好腍好食。下次有機會再試第二D好味嘢。