鎔記潮州飯店

Open Now

Now Closed

👨🏻‍🍳今日心血來潮想食點家鄉味，就揀了「鎔記潮州飯店」詳細嚐嚐。我實話實說，佢地啲「滷水鵝片」真係絕了！想像下，鵝肉厚切得啱啱好，帶點滑溜溜嘅皮，咬落去即刻感受到啲肉汁四溢，微微嘅草本香氣喺喉嚨間舒服游走，夠曬解膩！✨話說返「大腸、鵝腸、墨魚」，這個組合得嚟好創意，勁正嘅！墨魚彈牙得嚟唔韌，個鵝腸同大腸都係清清地，一啖一啄都覺得過癮，痛痛快快！再者，我就實在無法抗拒「小炒王」帶來嘅那種鮮、香、脆嘅口感，每樣食材都咁有性格，一盤物超所值！而「汕頭白菜煮魚蛋」就話你知咩叫做健康又美味，湯頭清甜，魚蛋咁Q彈，同白菜切工好，食落去簡直是清新與滋味嘅完美結合，相當適合追求輕盈口感嘅你！最後啲嘢夠味夠香，可以話係潮州菜嘅驕傲啦！🍲心情開心嘅我，仲特別推介你，想食地道潮洲滋味，記得要mark低呢間餐廳喇！👍🏻

第一次黎，好有潮州風味，老闆好攪笑。食左7餸一湯埋單唔使$1000，真係平靚正。其中有滷水鵝片、鵝腸豬腸墨魚三併、胡椒豬肚湯、煎蠔餅、糖醋麵、韭菜豬紅、黃金蝦和反沙芋。

通常冇咩嘢唔會打食評，點估到 一間係九龍城開左咁耐嘅餐廳居然可以做到咁嘅出品… 今次應該係咁耐以來係九龍城食嘢最差嘅一次… 有苦味嘅鵝腸， 同餐廳講，廚房話冇事 我地D鵝腸就係咁。 叫7樣嘢 1） 鹵水拼盤 （唔好食）2） 蠔唔知咩煲 （好腥）3）韭菜豬紅 （冇投訴） 4） 咕嚕肉 （全晚最正） 5） 麻辣魚皮 （好食） 6） 金銀蛋白菜 （賣相肉酸） 7）椒鹽豆腐 （第一次食倒咁難食） 總結： 唔會再有下一次。 嘢食： 冇驚喜 嘢飲： 茶係OK嘅所以…. 唔好難為自己喇

九龍城除了以「小泰國」見稱 更有「小潮州」的封號 可以找到不少售賣潮州食品及糕餅甜點之商店 當然亦少不了潮洲打冷菜餐廳 與朋友久久一聚相約於九龍城 想食蠔仔粥 見朋友推介 決定試下鎔記潮州飯店近餐廳門口 擺放了包上保鮮紙的潮州小菜 種類繁多 亦可以看見師傅在斬滷味的身影 充斥住有滿滿的潮州風味滷水拼盤$118滷水拼盤可以一次過試到不同的滷味 鵝肉肥美但多碎骨 墨魚爽口 鵝腸爽脆有咬口 豆腐同芽菜墊底 吸收了大量滷水汁 好入味 每樣滷味都非常香濃又不死鹹 值得一試蠔仔粥 $68蠔仔大大粒 十分飽滿 觧而不腥 有豐富的海鮮味道 粥底鮮味十足 粥仍可以見到一粒粒米 加上莞茜和薑蔥 鮮甜美味 十分推薦金銀蛋白菜仔$88出街食飯 總覺得需要叫一個菜 減低外食的罪惡感 皮蛋 鹹蛋及鹹蛋黃同白菜仔 食材簡單美味 不過當然沒有前兩者那麼出色 整體評分：食物味道: 8/10餐廳環境: 7/10服務質素: 7/10

位處九龍城嘅潮州打冷老店相約友人到九龍城晚飯，友人朋友介紹呢間多年老店，對打冷啤酒有份喜好嘅我哋都決定一試我哋坐二樓，上樓前要經一度唔知係門嘅門上去！係成間店最有驚喜嘅地方一行四人點咗五樣菜鹵水鵝拼盤、韮菜豬紅、蠔仔粥、辣酒煮花螺、糖醋麵幾款嘢食都不過不失，蠔仔粥有驚喜，無腥味而且蠔仔都肥美糖醋麵反而最令人期待，因為等咗應該超過半個鐘，但店員話呢樣菜式係需要等，結果無令我哋失望，煎得香脆可口！👍🏻下次會想試蠔餅，見人哋個蠔餅炸到非常脆口！因為肚唔夠位，下次再試！

九龍城又點止得泰國野食！捐窿捐罅，喺泰國店臨中搵到一間傳統正宗潮洲菜！就好似漆黑裏面嘅螢火蟲一樣，發光發亮⭐️韭菜豬紅超大碗！喺呢度必點嘅嘢食！豬紅同埋韭菜分量多到一個點！滷水鵝又係份量極有誠意！滷水汁味道香濃！只有老店才吃到的味道！肉厚又有！重點係豆腐，吸收了滷水汁嘅精華！豉椒炒蜆夠晒鑊氣！隻隻都開口！鮮甜豉椒味重！一粒沙都無！吐得好乾淨！自己家中做不到的！炸蠔餅潮州菜名物！傳統嘅潮州菜係要炸到脆卜卜，外脆內軟！蠔肉新鮮，夠juice !傳統潮州飯店買少見少!九龍城呢間老店抵食，又好食!

潮州炸蠔餅🥢食潮州野點可以冇蠔餅🤩好鍾意炸到脆卜卜，蠔仔都好大隻，蠔嘅份量仲超多👍🏻整塊蠔餅有我塊面咁大😂😂😂好好味呀⋯⋯😋😋😋豉椒炒聖子🥢聖子係bb版好嫩滑，用豉椒炒真係好惹味食埋三色椒🫑好鬼正。西蘭花炒鮮魷🥢例牌會點嘅餸，簡簡單單已經好好味😋滷水拼盤🥢樣樣都想食😆就點個細拼盤，有豬腸、腩肉、墨魚、鵝腸、紅腸、豆腐、芽菜等等…樣樣都好入味，必點的👍🏻👍🏻👍🏻

今日去咗九龍城食潮州菜，原本想食蠔餅，但朋友突然話不如吃炸蝦棗…那麽就跟朋友去咗位於城南道嘅鎔記潮州飯店食🤭 滷水鵝，豆腐墊底，滷水鵝好入味，肉質軟腍🤗墊底嘅豆腐都好滑！滷水拼盤鵝腸，生腸，紅腸，腐乳芽菜底.. 滷水咸淡適中，鵝腸新鮮爽口！墊底嘅腐乳芽菜味道又幾夾幾好味👍🏻啫啫芥蘭煲-好夠鑊氣，芥蘭炒得好鮮嫩，又冇乜苦澀味，跟肉碎蝦乾炒埋一齊食好惹味！炸蝦棗，炸得外脆內軟，口感Q彈，味道鮮味！果然不錯👍🏻

#九龍城 @yungkeechiuchow自從有西鐵, 我便多了到九龍城晚餐! 因我喜愛吃鵝, 所以潮州滷水鵝是我喜愛的餸菜之一! 西鐵宋王臺站B3出口, 隔離街便是了, 很方便的! 一入門口, 便看見師傅在斬滷水鵝, 一系列潮州打冷小菜整齊擺放, 全包上保鮮紙, 乾淨衛生!✨滷水鵝片 $138 ~ 我最愛, 啖啖肉! 鵝肉緊緻結實, 肉質嫩滑無羶味, 紋理細膩有彈性! 鵝片切得均勻, 薄薄的一片盡顯刀功, 底層舖了豆腐及花生, 搭配醋同食, 酸酸的更開胃! 齒頰留鵝香✨紅腸拼墨魚 $88 ~  墨魚新鮮彈牙超爽口, 同樣切得薄薄的, 底層是爽口大豆芽菜, 吸收滷水汁更覺爽甜! 必須醮上辣椒油, 滋味更進一步提升, 潮州辣椒油就是讚! ✨魚香茄子煲 $88 ~ 滋滋的響, 新鮮熱辣! 白飯小偷這名字可不是隨便亂改的, 咸咸香香的味道, 惹味非常, 佐飯一流! 辣辣的很開胃!✨糖醋麵 $108 ~ 亦稱兩面黃, 把麵煎至兩面金黃香脆, 再澆上糖及醋同食, 酸酸甜甜的, 開胃又飽肚, 重點是完全沒有油膩感, 層次豐富, 超讚!再來杯汽水或啤酒, 滿足的一餐! 

九龍城一向係泰菜同潮洲菜的集中地，今次試了一間潮洲菜，經歷幾年疫情都能夠屹立於九龍城食肆林立的地方，證明味道出色。果然食物質素不錯，店員服務好，老闆娘又爽朗又好客，推薦大家來食。🔸韭菜豬紅🐷豬紅經過處理同滷製後，一點豬腥味都沒有，而且豬紅充滿秘製的醬汁味，質感嫩的來很實，不會太散，配上鮮嫩的韭菜，很出色。🔸汕頭白菜煮魚蛋🐟店主挑選了高質魚蛋，很彈牙同重魚味，白菜好甜，雖然係湯煮菜，但食得出經過爆炒，很有鍋氣。🔸辣酒煮花螺🐚樣子看似很辣，實際上味道並不辣，而且陣陣酒香煮花螺很入味，要讚賞花螺很新鮮、大顆，老闆娘更指只會用新鮮花螺，真心讚賞👍🏻👍🏻🔸砂鍋魚頭煲 湯汁濃郁，魚頭鮮嫩，砂鍋魚頭的汁充足，食到淡淡燒酒香，配上豆腐，成個菜都好下飯。

其實中式嘢嚟講我真係好鍾意食潮州菜，琴日就試咗呢間位於九龍城城南道37號嘅鎔記潮州飯店。入門口位置已經見到好多名人嘅相，即刻好有信心，果然名不虛傳。咁我就點咗三道菜。滷水雜拼呢樣嘢一定必食啦！啲鵝腸整得好脆身，好少可以咁爽又煙靭，就連紅腸都好好味。魷魚就更加唔使講熟得嚟又係好煙韌。滷水汁味道鮮香，真係絕配。黃金蝦老闆娘話啲蝦係每日新鮮送到，我完全食得出，就好似喺街市自己買咁新鮮。潮州蠔餅呢樣嘢都一定要食，同平時嗰啲蠔餅唔同，呢間嘅蠔餅係粒粒都係大蠔，絕對唔係蠔仔！鍾意食蠔嘅人一定要試！

九龍城潮州菜老字號鎔記果然是不同凡響，未到六點已經坐無虛席，而且還不斷有人進餐廳，最喜歡還是各款潮州滷水鴨鵝墨魚等掛在窗櫥上，新鮮、份量、斤量通通都一目了然。-就先來碟招牌滷水鵝掌鵝翼吧～傳統潮汕口味獨家滷水配方，陳年滷水辛香香氣撲鼻，回味悠甜。鵝掌鵝翼膠質豐富，食落滑而不柴，滷得剛好。-欖角一字骨欖角骨一字排開，上檯一刻feel到果陣鑊氣，一字骨先走過油，外香內嫰，味道帶甜，食落帶微微欖角香，感覺也不算太油膩呢～。-鎔記小炒王超！澎！湃！小炒鑊氣夠，翠綠的韮菜、蝦乾、魷魚、腰果材料勁足, 上檯鑊氣勁香,面頭仲有好多炸得香脆的銀魚仔, 整碟餸都惹味香口！潮州咸雞最後還叫了潮州咸雞，傳統客家抹，雞肉色澤微黃，食落皮爽肉質鮮嫩，入口有淡淡鹹香又不會蓋過雞本身的味道，而且食落嚼勁，回味可口-啊啊，太飽了，無留肚下次還要來試餐廳招牌名物潮州反沙芋啊～

今日放假同我姑姐行街😄最愛的九龍城廣場🥰九龍城呢個地方😆自從中學畢業之後就冇黎啦😅我覺得九龍城都係美食天地😀除咗有泰國菜食之外😉去食潮州打冷都係唔錯選擇😙潮州炸蠔餅 $88我覺得打冷必點的菜式😋 潮州炸蠔餅😍大大份😉賣相靚靚金黃色十分吸引😊炸野襯熱食係常識嚟架😛食落脆而不油膩😉仲有啖啖蠔仔🦪隻隻肥美嫩滑🥰極力推薦😏魚香茄子煲 $88呢碟上菜的時候已經咋咋聲🤪香噴噴熱烘烘☺️時令煲仔菜魚香茄子煲 😝軟綿綿的茄子😉仲有肉碎😙醬汁香濃😊配個白飯食都係一個唔錯的選擇🍚滷水鵝片拼鵝腸 $118鵝片肉質嫩腍😮鵝腸食落都好爽脆🙂滷水汁夠味的緣故😃亦令豆腐都好入味🤩韭菜豬紅 $68呢碗韭菜豬紅的份量🧐份量多到嚇左一跳😎豬紅正正方方🤗個汁辣辣地🫢好過癮又令到豬紅入味🤠由於份量太多食唔曬🤠翌日早餐黎個韭菜豬紅公仔麵先🫢📍鎔記潮州飯店 (九龍城)🔍九龍城城南道33號地下

鎔記潮州飯店喺宋王臺站B3出口行一陣就到，好方便。好耐冇打冷了，即刻嗌番個滷水食下先！❤️豬大腸併滷水鵝片入面重有花生🥜同豆腐。上枱時奉送白醋。把豬大腸和滷水鵝片點白醋同吃，酸酸的，開胃的同時覺得脂肪都被白醋分解了，冇咁大罪惡感。🙈❤️潮州炸蠔餅有蔥有蠔蠔🦪炸得夠熱唔鯹蠔餅炸到脆卜卜又香口。❤️韭菜豬紅韭菜和豬紅的份量都好多！有d辣。豬紅好滑～上枱時重奉送辣椒油，但唔使點本身已經夠辣了。餐廳內有電視📺，一邊睇電視一邊食都幾爽！

今日去咗食鎔記潮州飯店！食物真係好好味㗎！特別推介：🌟汕頭白菜煮魚蛋🌟🐟🥬啲魚蛋好滑夠彈牙，加埋個汕頭白菜同紹菜，湯汁甜而唔膩，一食就食晒啦！😋🌟潮州咸雞🌟🍗啲肉好鮮美，又唔會太鹹，半隻2個人食🤤🤭真係好正呀！👍最後就係🌟韭菜豬紅啦🌟🌿🐖韭菜炒得恰到好處，唔會太軟或太硬，豬紅都幾滑嫩，隻汁對我黎講辣左少少，不過好開胃！😍總括而言，今次嘅飯局真係非常滿意，食物好味又唔貴，下次經過九龍城要再黎！