陳儀興飯店 (崇齡街)

滷水鵝件🥢鵝件滷得入味，肉質細嫩，鵝皮豐腴，滷水汁隱約滲出藥材嘅香醇，唔係單單得鹹味～

古法砵仔焗魚腸🥚面層嘅雞蛋金黃香脆，魚腸清洗乾淨無雜質，帶少少甘香，魚腸同雞蛋、油炸鬼融合得好好，好越嚟越少地方食到嘅心機菜！

苦瓜炆大鱔🐟苦瓜炆大鱔好有鑊氣，苦瓜苦而不澀，大鱔鮮美彈牙

潮州蠔仔粥🥣估唔到一碗蠔仔粥係咁大碗，粥底加咗方魚碎增添咗自然嘅鹹鮮，風味甚佳👍

啫啫田雞煲🥘啫啫田雞煲醬汁惹味，除咗田雞肉仲有豬潤

依日啟德體育園有足球比賽，見到新蒲崗有唔少著住波衫嘅球迷嚟食野，睇完比賽嚟食打冷傾下計都唔錯～

3

1