1
跟住叫一個沙嗲芥蘭牛肉，做得相當唔錯，再嚟一個炒薄殼，唔係時時有得食，季節性，呢個餸絕對唔係食個肉，係食個味道，薄殼嘅惹到咪冇得彈，要睇吓你自己有冇功力識得欣賞呢一個餸。
呢一味令國排骨煲，我都係第一次食，個味道係鹹鹹香香，非常之易送飯，我舊同事叫咗碗白飯撈汁。見佢食得咁開心，自己都開心埋！
煙鴨胸個味道係好特別，中式嘅煙鴨胸我都係第一次食，個味係非常之香，肉質亦都好嫩，唔韌。
呢一個韭菜煎果，個韭菜味係離遠都聞得到嗰種香味，個廚師手藝真係非常唔錯，同平時酒樓食嗰啲韭菜餃死實實嗰啲根本冇得比。
整體來講，我覺得選擇嚟呢度係冇失望㗎，食到正宗嘅潮州菜，價錢亦都相當唔貴！我會再幫襯！
