尚素 (Closed)

父親節飯，走唔甩係要食飯方面要清清地同健康啲。尚素嚟講，地點都有少少唔方便，要用google Map搵先搵到。前菜係涼拌杞子苦瓜，見到一碟綠色又透亮個菜，而適逢係夏天，有少少透心涼個感覺。果然第一啖咬落去，好爽口，開頭有少少苦，但食落去又有少少甜，因為有杞子，如果杞子可以再多啲就更好。然後就係竹笙燴素翅，用陶制個燉盅，望落去已經夠殺，所以上菜時亦保持到溫度。然後就菠蘿咕嚕魔芋，魔芋出面應該包咗少少麵包康，所以炸得好爽脆好入味，再配塔埋紅綠色椒，同菠蘿，真係要俾個讚！然後到重慶龍口粉絲，呢個必叫，有少少辣，但係好少，我相信好多人接受到，而汁都幾濃，肉碎又多，所以好入味。而粉絲整到到軟屬，堅正！然後就蜜汁叉燒併海蜇，啲叉燒煮得剛剛好有少少燶，而蜜汁就入晒啲叉燒到，海蜇就好彈牙。然後就藥膳真菌，菌味同藥膳個香味都保留到，一般呢味菜會藥膳味好重，而做到兩種味都保留到，係好難得。