今日同男友喺尖沙咀the one 睇完戲，喺商場見到間以《潑墨·茶》為主題嘅餐廳，好似幾特別咁，我哋就坐低試下啦。
餐廳主要以外賣為主，旁邊有幾張檯可以比客人堂食。店舖裝修都走簡約風😋，舒舒服服。
飲品分為五大類別：墨、茶🍵、果🍎🍊、乳🥛、健。
【墨】以芝麻、黑糖、焦糖等材料做到潑墨嘅效果，亦都係店舖嘅主打
【茶】有四種茶嘅口味，包括：鐵觀音、紅茶、茉莉花茶、烏龍茶
【果】有兩種唔同口味嘅水果茶，柳橙同蘋果。
【乳】以鮮奶為主嘅飲品
【健】養生保健茶有3種，啱晒想健康嘅你
店舖以潑墨為題，所以梗係要試番杯【墨】啦，我哋揀咗杯凍嘅黑-麻糬芝麻烏龍鮮奶茶，同埋一杯熱嘅【乳】麻糬玄米抹茶鮮奶。客人仲可以選擇要北海道牛乳或者素食牛乳同埋都可以自己揀甜度同冰量，絕對唔駛怕太甜啦😆。
黑-麻糬芝麻烏龍鮮奶茶：成杯好似水墨畫咁，好似好藝術咁！香濃嘅芝麻味伴埋烏龍鮮奶茶，味道唔錯，一邊飲仲可以咬下煙韌嘅麻糬粒粒添。
麻糬玄米抹茶鮮奶：夜晚飲番杯熱鮮奶，人都好瞓啲，抹茶味道突出，配合淡淡的玄米茶香味，絕對係一個唔錯嘅配搭，麻糬粒粒又有嚼勁，正呀😙😙！
買正價飲品仲可以用優惠價追加甜品。我哋揀咗個岩燒蜂蜜抹茶蛋糕，蜂蜜蛋糕好鬆軟，抹茶味道啱啱好，加上暖笠笠溶咗嘅芝士，有多種唔同層次，口感好豐富，好好味呀😍😍！
另外再揀咗雪糕啦🍨，雪糕方面有成10種唔同嘅味道，仲有幾種較少有茶嘅口味添，例如：日本烘茶、玫瑰花茶🌷、玄米抹茶、醇香紅茶、伯爵茶朱古力等，店員介紹我哋揀咗最受歡迎嘅醇香紅茶雪糕。店員果然無介紹錯，紅茶味道超濃，好似一邊飲緊紅茶，一邊食緊雪糕咁，而雪糕嘅口感較似雪芭，奶味唔太重，perfect呀👍👍！
大家下次嚟開the one，又可以試下嚟呢間飲杯嘢食件cake啦🍰😉！
