Meat King (Closed)

媽媽係個煮開中菜既煮婦，最近佢話天氣熱到唔想煮飯，所以帶左佢地食D非中式既菜 - 日式鐵板餐。MEAT KING 位置須要揾揾，離開銅鑼灣地鐵站要行約10分鐘，另外要行一層樓梯先到依間餐廳。餐廳地方寬敞舒適，座位坐得舒服，今晚係平日，不算多人。由叫餐起，限時1.5小時。我地叫左芝士漢堡扒同厚創漢堡包，另外加左$58要個BUFFET SET。BUFFET SET﹕可無限供應沙律、有唔同野飲同甜品。如果去到必定要叫，一黎抵食，二黎印象中係無水提供，沙律材料好新鮮，款式又多。芝士漢堡扒﹕已叫左最細SIZE既漢堡扒，上枱時見到好PEPPER LUNCH既上菜法，熱騰，之後倒下醬汁，冒煙了。芝士同漢堡扒非常匹配，漢堡扒感覺好厚、好JUICE，啖啖肉。厚創漢堡包﹕厚厚的漢堡、配上洋蔥圈、芝士、蕃茄、酸瓜、生菜。另外，仲有薯條同茄醬置旁邊。漢堡包又厚又高身，個口咬唔曬，要分開幾黎食，漢堡非常JUICE，厚厚的漢堡爆左一大PAT汁，配上新鮮既配料，中和漢堡既膩。食左一半，已感到好飽。薯條香脆可口，SIZE似麥當當既薯條，但比較口感同調味料上，佢就脆身同入味好多。