Pizza Piazza (Closed)

朋友想食漢堡就搵到呢間餐廳試下，一入去餐廳就見到雲石枱，我地叫左一個終極漢堡餐同一個西班牙黑毛豬扒，仲加左個香蕉拖肥批甜品！2個餐都好抵食，份量多，仲食唔晒！漢堡好大個好多汁，幾好食！餐廳仲好有心分左3種醬汁俾我地，薯條又係好多，都食唔晒。而黑毛豬扒都好大份，剛剛熟，仲配番薯條，口感幾好，又唔會同薯條一樣！而意想不到甜品好好食，呢個香蕉拖肥批做得好出色，個 cream唔會好甜，餅底好香好脆，下次一定再叫。