The Point Kitchen (The Lohas) (Closed)

早食飯嘅話，日出康城the point 冇咩人。本來以為好伏，但係食完之後又覺得冇咩問題。可能只係咁啱得咁蹺太早，就冇咩客。叫咗個牛肉漢堡。跟一個細細地嘅薯條。都係啲普通嘢啦。薯條熱辣辣，好脆。係好味嘅。不過薯條好難整得難食。跟住望一望個漢堡包⋯有少少唔開心。點解個漢堡扒咁細。個麵包大佢咁多。不如壓扁啲個漢堡扒，等佢同個麵包差唔多大啦。覺得個漢堡扒好空虛寂寞。好彩，個漢堡扒係好味嘅。佢都真材實料。食得出淡淡牛肉。煎到裏面仲有少少生，所以都多汁好味。佢嘅醬汁都好好味。麵包又好味。但真係個漢堡扒個直徑同個包好唔陪囉。如果塊肉大少少就100分啦。可能cost 嘅問題. 地方乾淨，侍應有禮。