Burgeroom (Moved) New Location

8點幾，已經坐滿人。等咗幾分鐘先有位坐...同太太倆個人叫咗：大烤菇芝士牛肉漢堡、雙層芝士牛肉漢堡、iced cappuccino大烤菇出奇地好味，唔會烤到好乾，相反好多汁好甜，充滿菇味！配上厚厚o既漢堡牛扒，再加上新鮮o既番茄，味道好清新！雙層牛肉份量超勁，牛肉味同肉汁同樣豐富，但實在太多肉喇，結果食唔出芝士味、食唔到番茄味...咖啡唔合格，淡而無味！食漢堡包始終要襯可樂！服務好，多得佢哋提醒先識將漢堡包一分為二，又會主動幫我哋轉枱、清潔。雖然地點唔就腳，有機會都會再嚟。