劉森記麵家 (褔榮街)

Open Now

Now Closed

星期日在深水埗雲遊，見肚餓就隨街揾嘢食醫肚。見劉森記門口有咁多食家名人介紹決定去試吓。一路都有大約10個人排隊，不過裡面流動快，10分鐘左右已經入得。先係叫左一個蝦子雲吞黑柏葉撈面。薑蔥黑柏葉好爽脆，加少少豉油已經好惹味。蝦子份量勁多，夠咸香，但加埋啲蠔油成個麵底偏咸。手制竹昇麵幾烟韌，不過個人鐘意麥奀記果種脆口。另外有雲吞湯麵，今次可專心食到麵條的味道，雲吞比麥奀記大粒，除左蝦仲有豬肉餡，應該無落胡椒去腥。