滿屋日本料理 (Closed)

今日好朋友生日，專登揀左佢最愛的日式放題。因為我地2個都係銅鑼灣返工，成日經過滿屋都好想一試，今日終於有機會啦。一去到餐廳已經坐滿人，因為一早book 左枱，所以職員都好快安排好座位俾我地！雖然好多人，但都唔會好迫同好嘈，我同朋友都可以一路食野一路傾計。入到餐廳見到有自助專區，有各式各樣既飲品，當中竟然有清酒！沙律吧亦有海鮮、沙律、甜品，仲有爆谷喎！日式放題不容錯過既一定的刺身壽司，經過一輪選擇，我地揀左三文魚、赤蝦、北寄貝、蟹柳、帶子、鮑片、吞拿魚壽司，仲有我最鍾意既海膽手卷等等。所有刺身都好新鮮，尤其最愛帶子同海膽！就算好飽都要encore!跟住就再試左其他炸物同串燒！選擇非常多，我地就揀左天婦羅蝦、炸蠔、燒羊架、燒牛舌、雞軟骨、雞肉串....仲有必食推介芝麻雞翼同燒菠蘿...估唔到放題有咁高質素！食到最後當然唔少得雪糕！估唔到呢度有我至愛既Movenpick同Haagen Daz....真係好滿足！總結呢講，食物選擇多，新鮮又好味。職員服務態度好好，落單上菜都好快，又唔會漏單，2個鐘基本上係食唔停！下次再食放題都會㨂滿屋！