Video
Read full review
2021-08-18
1179 views
已經唔係第一次係呢到食啦，呢晚係星期五，有288、388、488、688四個放題價錢可以選擇。之前食過388嘅，今次試488。呢到最好嘅好處係無限時間，可以慢慢食，雖然係咁話，但都係食咗兩個鐘頭左右。以上嘅2人份刺身拼盤係叫488附送嘅。生蠔好新鮮，配合上面甜甜嘅啫喱（覺得有少少似桃膠），感覺幾清新！海膽都唔錯，唔腥，配合紫菜（冇影到）一齊食，非常之滿足呀！鮑魚感覺似係磯煮鮑魚，口感彈牙入味。其他都唔錯，帶子鮮甜，大蝦刺身都可以，但個人更偏好泰式生蝦（唔記得咗影相，口感彈牙，個汁唔係好辣）。壽司方面，冇咩點叫，只係叫咗海膽、蟹膏同左口魚壽司。呢到嘅海膽壽司都可以，壽司飯唔係好大，蟹膏同左口魚壽司個人就覺得還可以，正正常常。甲殼燒個人覺得入面沙律醬太多，食多兩啖就覺得有啲膩，個人覺得一份兩人食，試下就可以。燒羊架都唔錯，個人比較怕重羊臊味，但呢到燒嘅羊架唔太覺，調味就可以。肉質方面以放題黎算唔錯，唔會話好韌。燒物方面，叫咗雞軟骨、一口牛同牛舌。牛舌調味唔錯，但口感稍韌，不過以放題黎講唔算差。一口牛冇咩特別記憶，雞軟骨串都推薦送酒時食，炸得唔錯，唔會因為追求外脆而炸耐啲，而忽略冷卻後會變硬
以上嘅2人份刺身拼盤係叫488附送嘅。
生蠔好新鮮，配合上面甜甜嘅啫喱（覺得有少少似桃膠），感覺幾清新！
海膽都唔錯，唔腥，配合紫菜（冇影到）一齊食，非常之滿足呀！
鮑魚感覺似係磯煮鮑魚，口感彈牙入味。
其他都唔錯，帶子鮮甜，大蝦刺身都可以，但個人更偏好泰式生蝦（唔記得咗影相，口感彈牙，個汁唔係好辣）。
壽司方面，冇咩點叫，只係叫咗海膽、蟹膏同左口魚壽司。呢到嘅海膽壽司都可以，壽司飯唔係好大，蟹膏同左口魚壽司個人就覺得還可以，正正常常。
甲殼燒個人覺得入面沙律醬太多，食多兩啖就覺得有啲膩，個人覺得一份兩人食，試下就可以。
燒羊架都唔錯，個人比較怕重羊臊味，但呢到燒嘅羊架唔太覺，調味就可以。肉質方面以放題黎算唔錯，唔會話好韌。
燒物方面，叫咗雞軟骨、一口牛同牛舌。
牛舌調味唔錯，但口感稍韌，不過以放題黎講唔算差。一口牛冇咩特別記憶，雞軟骨串都推薦送酒時食，炸得唔錯，唔會因為追求外脆而炸耐啲，而忽略冷卻後會變硬得滯。
雞泡魚乾！十分推薦！就咁食都好好食！不斷追加咗幾次。魚乾上嘅燒汁被烤出香咪，外層嘅薄薄脆香與內裏鬆軟嘅層層肉乾，係口腔中咀嚼下，慢慢深透出一絲絲嘅香甜。真係愈食愈上引！配上清酒或白酒，絕對一流！
酒方面：有基本嘅紅白酒、冷熱清酒、啤酒、雞尾酒等，仲有其他基本汽水飲品，但個人冇咩點留意。今次叫得少紅肉，所以都只係叫咗白酒同冷熱清酒。個人覺得杯白酒味道都算係偏甜嘅，用黎餸鮑魚、海膽、生蠔、雞泡魚乾都唔錯，而清酒基本上百搭。
最後，甜品放面，之前有心太軟可以叫，但今次就唔見有。甜品個人叫得唔多，叫咗焦糖燉蛋同Movenpick雪糕。焦糖燉蛋都焦正常唔會中伏嘅一般甜品啦。雪糕有3種味，士多啤梨、朱古力同雲呢拿。
總結黎講，食物質數都唔錯，地方環境就比較窄，一般身形嘅朋友仔就冇問題，但比較大隻啲嘅朋友可能就有機會會覺得唔太方便啦。覺得人手唔係太夠，叫野食有一次舉咗分幾鐘先有人見到，但職員嘅服務係可以嘅，見到佢哋都真係忙嘅。上菜速度都好快，都冇漏單。
Post
