TOSS 蘇媽.蘇媽

Open Now

Now Closed

放飯時間食咩好呢～近排食湯飯食得多，今日想食啲濃味啲嘅嘢，諗下馬來西亞菜或者泰式菜嗰啲都唔錯。之前已經嚟過覺得唔錯，所以就決定過嚟食。今次叫咗個檳城福建蝦麵，十分足料。有3舊大大舊嘅五花腩，3隻蝦同埋豆卜魚片等等，講真如果我自己食真係一碗已經捧住個肚走，好彩有男朋友幫手分擔下🤣🤣🤣🤣。另外叫咗個夾必丹咖哩雞球飯，佢個雞球係炸嘅，但係好好食，炸得香脆之餘，入面舊雞肉好嫩好juicy～ 而啲咖哩汁嘅味道都好得意，有少少酸，有椰香味，亦都有辣味，啲汁攞嚟撈飯一流！！另外仲叫咗2杯嘢飲，椰汁班蘭冰同似水榴槤，兩杯嘅味道都好香好濃。班蘭冰會有西米喺入面，另成杯飲品無咁單調。對於我哋咧啲班蘭同榴槤愛好者嚟講真係幸福感滿滿