Video
Read full review
2020-08-27
159 views
疫情影響應該有排都唔可以出門去旅行,無得外遊唯有搵下香港範圍內既多國菜餐飯食下飯當去旅行咁.今次約左個住深水埗既朋友食飯,估唔到佢仲記得我鍾意食台灣菜就帶左我去試一間台式餐廳到試下 鹽酥雞扒肉燥便當.鹽酥雞扒大大塊之餘雞扒肉又夠厚身,鹽酥外皮炸得香脆薄身又唔油膩,入口陣陣鹽酥椒鹽既咸香感.雞扒肉質入口唔會霉,質感都幾滑嫩又無帶雪藏味,內裏仍然富有肉汁.肉燥鋪滿晒係飯面上,份量額外豪爽.肉燥味香而不過鹹,粒粒肉燥帶咬口之餘又唔會過肥膩,配上飽滿有彈性既珍珠米好滋味.炸花枝丸,係花枝丸上灑上椒鹽增加鹹香味,格外有台式夜市街邊檔既風味.花枝丸爽彈,內裏帶點花枝肉,咬落煙煙韌韌.台式仙草奶茶.奶茶底雖然唔算特別濃但帶有香味,仙草相對無珍珠咁甜滯冰涼帶彈牙既口感好啱夏天.
鹽酥雞扒肉燥便當.鹽酥雞扒大大塊之餘雞扒肉又夠厚身,鹽酥外皮炸得香脆薄身又唔油膩,入口陣陣鹽酥椒鹽既咸香感.雞扒肉質入口唔會霉,質感都幾滑嫩又無帶雪藏味,內裏仍然富有肉汁.肉燥鋪滿晒係飯面上,份量額外豪爽.肉燥味香而不過鹹,粒粒肉燥帶咬口之餘又唔會過肥膩,配上飽滿有彈性既珍珠米好滋味.
炸花枝丸,係花枝丸上灑上椒鹽增加鹹香味,格外有台式夜市街邊檔既風味.花枝丸爽彈,內裏帶點花枝肉,咬落煙煙韌韌.
台式仙草奶茶.奶茶底雖然唔算特別濃但帶有香味,仙草相對無珍珠咁甜滯冰涼帶彈牙既口感好啱夏天.
Post
