Video
Read full review
2021-09-07
33 views
大滾友係元朗算係數一數二嘅邊爐，出名用料十足，午巿時間去唔算多人，但見到侍應不停打電話去confirm晚巿嘅booking ，如果想夜晚去打邊爐，記得一定要打去book位啊😆點餐後，侍應會拎一盤醬料俾我哋自己調製，有7種配料用來調豉油，唔算多，但基本嘅都齊全。🍽玲瓏浮凸花膠雞湯鍋(1隻)同男朋友2個去食，好蝦碌咁叫左1隻花膠雞鍋🤣 花膠好多又大塊，簡直係花膠吃到飽。侍應好細心，幫我地剪開啲花膠。侍應提醒因為係生雞，所以要滾耐少少。雞肉食落結實嫩滑，真材實料，係用新鮮雞。👍🏻係開始淥其他材料之前，一定要先品嘗一下湯底，湯底鮮味香濃，飲得出係真材實料淆製而成。🍽日本廣島蠔一份有4隻，非常之飽滿，食落蠔味十足。🍽肉丸拼盤有爽骨豬肉丸、鮮牛丸、鵝肝墨魚丸、蟹子鮮蝦丸、蟹子墨魚丸，全部丸類都係手打而成，個人最鍾意嘅係爽骨豬肉丸，混入軟骨製成，口感豐富。🍽新鮮鵝腸淥完後口感爽脆，但略為有些少腥。🍽雜菇拼盤拼盤有5種菇類，除咗菇類，仲娃娃菜、粟米、木耳，種類同份量都充足。🍽即炸黃金響鈴⭐️呢個要大讚！身為響鈴愛好者嘅我，超市嘅盒裝響鈴絕對滿足唔到我。大滾友嘅響鈴係即炸而成，而且黃金響鈴係沾左咸蛋黃醬才
點餐後，侍應會拎一盤醬料俾我哋自己調製，有7種配料用來調豉油，唔算多，但基本嘅都齊全。
🍽玲瓏浮凸花膠雞湯鍋(1隻)
同男朋友2個去食，好蝦碌咁叫左1隻花膠雞鍋🤣 花膠好多又大塊，簡直係花膠吃到飽。侍應好細心，幫我地剪開啲花膠。
侍應提醒因為係生雞，所以要滾耐少少。雞肉食落結實嫩滑，真材實料，係用新鮮雞。👍🏻
係開始淥其他材料之前，一定要先品嘗一下湯底，湯底鮮味香濃，飲得出係真材實料淆製而成。
🍽日本廣島蠔
一份有4隻，非常之飽滿，食落蠔味十足。
🍽肉丸拼盤
有爽骨豬肉丸、鮮牛丸、鵝肝墨魚丸、蟹子鮮蝦丸、蟹子墨魚丸，全部丸類都係手打而成，個人最鍾意嘅係爽骨豬肉丸，混入軟骨製成，口感豐富。
🍽新鮮鵝腸
淥完後口感爽脆，但略為有些少腥。
🍽雜菇拼盤
拼盤有5種菇類，除咗菇類，仲娃娃菜、粟米、木耳，種類同份量都充足。
🍽即炸黃金響鈴⭐️
呢個要大讚！身為響鈴愛好者嘅我，超市嘅盒裝響鈴絕對滿足唔到我。
大滾友嘅響鈴係即炸而成，而且黃金響鈴係沾左咸蛋黃醬才炸。將響鈴放入火煱內滾10秒，除咗有本身嘅咸蛋黃香味之後，仲吸收左花膠雞湯！omg 打到詞窮，除咗好味，都諗唔到其他形容詞。
🍽鴨血
份量比想像中嘅多，淥完之後沒有散開，尚算結實，而且沒有腥味👍🏻
質素同價錢成正比，人均三至四百左右，真材實料嘅火鍋店。
Post
