輝

Open Now

Now Closed

銅鑼灣亨環食店好多，係銅鑼灣一個新景點。今日去到3樓嘅日本餐廳「輝 Hika」食晚飯 ， 食品食物質素都好高，而且氣氛都好好，廚師同食客都打成一片，好有居酒屋嘅感覺！冷鮑魚配黑松露醬 餐廳選用南非鮑魚，加埋黑松露醬，黑松露好香濃。用咗醃咗嘅蘿蔔蘿蔔同海帶做底。蘿蔔醃咗好入味，而且仲好腍。海帶就好爽。鮑魚大大隻薄切，入口非常方便。軟殼蟹沙律軟殼蟹都好大隻，絕對冇揸流攤，沙律菜都好新鮮，好爽脆！沙律嘅份量都好大碟，兩個人食都幾飽肚！深海池魚池魚超新鮮，好夾口，配搭埋酸汁，點嚟食，爽口鮮甜，又醒胃！松葉蟹肉炸海老卷整碎咗紫菜沈喺面，滲咗少少蝦油，入口又唔覺得好油，而且仲好爽口！蟹肉滿滿，配埋炸海老，口感豐富！海膽壽司新鮮嘅海膽，濃郁嘅海水味，絕對唔可以錯過！串燒A5 和牛配青椒入口即溶，適度的脂肪分布，肉質又滑嫩有彈性，鮮味成分更是豐富！宮崎五花腩油脂分布特別幼細，入口油香特別強烈。雞皮有彈性又帶點脆口，送酒一流！豚肉年糕卷充滿肉汁的豚肉包裹著煙韌的年糕，好香口。