Video
Read full review
2022-05-27
13 views
真係好耐都冇去台灣喇，前幾日我去咗觀塘工廠區一間由台灣人開嘅台灣餐廳，感受真正台灣的味道，店內有好多台灣各地區代表嘅壁畫，立即令我諗起去台灣旅行嘅愉快回憶。想試下地道台式小食，我叫咗最新menu推薦嘅勁爆浮誇大腸麵線配大蒜香腸，追加一份路邊攤小香腸同甘梅蕃薯條，飲品叫左杯柯華田豆漿同黑糖芋芋鮮奶，甜品係鮮果雪糕四味吐司。🍜大腸麵線湯汁味道唔會過鹹，試過原味如果覺得湯汁唔夠濃仲可以加醋調味，麵線份量適中偏軟呈糊狀，用料非常豐富，除左肥美嘅大腸仲有大量芫茜、好多不同切粒肉丸、木耳、木魚等，芫茜同木魚花令湯汁有獨特香味，又香又好食。🐷大蒜香腸(即餐牌上嘅路邊攤小香腸)外皮香脆內裡多汁，外層有少少蜜糖帶甜味。🍠甘梅蕃薯條炸到金黃色嘅蕃薯條有股類似楓糖漿嘅天然甜香，配上由話梅同糖製成嘅甘梅粉，味道酸酸甜甜，係經典台式小食。🥛柯華田豆漿見個造型幾得意所以試下，要先飲一啖原味肧芽豆醬，再加入柯華田雪條就會變成柯華田味嘅豆漿🥛黑糖芋芋鮮奶因為係熱飲，大量綿綿嘅芋泥變得更加香甜，配上香濃黑糖鮮奶，非常滿足🍞鮮果雪糕四味吐司當日冇蛋椰醬吐司，換成兩片巧克力吐司，草莓醬同花生吐司各一片，吐司係竹炭麵包飛碟，
想試下地道台式小食，我叫咗最新menu推薦嘅勁爆浮誇大腸麵線配大蒜香腸，追加一份路邊攤小香腸同甘梅蕃薯條，飲品叫左杯柯華田豆漿同黑糖芋芋鮮奶，甜品係鮮果雪糕四味吐司。
🍜大腸麵線湯汁味道唔會過鹹，試過原味如果覺得湯汁唔夠濃仲可以加醋調味，麵線份量適中偏軟呈糊狀，用料非常豐富，除左肥美嘅大腸仲有大量芫茜、好多不同切粒肉丸、木耳、木魚等，芫茜同木魚花令湯汁有獨特香味，又香又好食。
🐷大蒜香腸(即餐牌上嘅路邊攤小香腸)
外皮香脆內裡多汁，外層有少少蜜糖帶甜味。
🍠甘梅蕃薯條
炸到金黃色嘅蕃薯條有股類似楓糖漿嘅天然甜香，配上由話梅同糖製成嘅甘梅粉，味道酸酸甜甜，係經典台式小食。
🥛柯華田豆漿
見個造型幾得意所以試下，要先飲一啖原味肧芽豆醬，再加入柯華田雪條就會變成柯華田味嘅豆漿
🥛黑糖芋芋鮮奶
因為係熱飲，大量綿綿嘅芋泥變得更加香甜，配上香濃黑糖鮮奶，非常滿足
🍞鮮果雪糕四味吐司
當日冇蛋椰醬吐司，換成兩片巧克力吐司，草莓醬同花生吐司各一片，吐司係竹炭麵包飛碟，配新鮮水果同巧克力、香草雪糕球各一，麵包香軟唔會太硬好難切，麵包配上各種醬料雪糕，可以嘗試到好多唔同味道嘅配搭。
Post
