訂左位唔洗等位入得，啲侍應好nice，帶我地搵左位就幫我地遞點餐簿。環境好日式燈光幽暗，坐得舒服。
野食都幾多選擇，重點係冇甩單，好快手就上枱，每一round都係抵讚！
1
刺身好肥美，三文魚塊塊好厚，一啲都唔姑寒！食落冇雪藏味好新鮮~滿意
而炸物都係好食，芝麻雞翼同埋一口芝士都好有水準，夠味熱辣辣。
串燒方面，推薦一定要食牛舌/雞軟骨，好有咬口調味剛剛好~
壽司都係好有水準，最得意係佢個手卷，叫左海膽手卷上到枱細細舊，一口就食完，唔似其他放題大大份食好多飯落肚~
其餘壽司(花之戀等。。)都不過不失，鐘意佢個露荀牛肉卷
，有新意味道可口，好食。
甜品都唔錯，有雪糕/多款甜品。
午市唔洗200蚊有三粒鐘任食，超抵食會再去
